बीटीएस स्टार जिन सैन्य सेवाबाट बाहिर आउँदै, कोल्डप्लेसँग सांगीतिक सहकार्यको चर्चा

काठमाडौं । के-पप ब्यान्ड बीटीएस स्टार जिन अनिवार्य सैन्य सेवाबाट बाहिर आउन दुई साता बाँकी छ । यो खबरपछि प्रशंसकले अहिल्यैदेखि खुसी मनाउन थालेका छन् ।

सामाजिक संजाल ‘एक्स’मा पनि जिन बाहिर आउन लागेको खबर लगातार ट्रेन्डिङमा छ । उनको पुनरागमनले नयाँ प्रोजेक्ट र सन् २०२५ मा ब्यान्डको पुनर्मिलनको आशा लगायतका कुरामा विशेष अर्थ राख्छ ।

केही महिनाअघि ब्याण्डका एक पुराना सदस्यले आफू बाहिर आएपछि नयाँ प्रोजेक्ट गर्ने संकेत दिए । हालैका अफवाहलाई विश्वास गर्ने हो भने, उनले विश्वचर्चित ब्याण्ड ‘कोल्डप्ले’सँग सहकार्य गर्ने सम्भावना छ ।

ब्यान्डका सबैभन्दा पुराना सदस्य तथा ‘एस्ट्रोनट’ गायक जुन १५ मा काममा फर्किने जनाइएको छ । कागजी प्रक्रिया र औपचारिक प्रक्रियाको कारण यो समय पाँच दिनको लागि तलमाथि हुनसक्छ ।

जिनको आगमनपछि आर्सन क्रूनर जे-होप बाहिर आउनेछन्, जो सेनामा भर्ना हुने अर्को व्यक्ति थिए । सन् २०२५ सम्म, सबै सात सदस्य फिर्ता हुनेछन् । रिपोर्टका अनुसार उनीहरुले चाँडै विश्व भ्रमण समेत थाल्नेछन् ।

सैन्य सेवामा भर्ना हुनुअघि ‘द मुन’ गायकले ‘एस्ट्रोनट’ शीर्षकको एकल ट्रयाक सार्वजनिक गरेका थिए । यसलाई उनका साथी क्रिस मार्टिनको उपहार र पुरानो बेलायती ब्यान्ड कोल्डप्लेले लेखेको भनिएको छ ।

कोल्डप्ले एक बेलायती ब्यान्ड हो जुन बीटीएसको निकट छ । विशेष गरि जिन जसलाई क्रिस मार्टिनले एक विशेष गिटार दिएका थिए जसले १० वर्षभन्दा बढी बजाउँदै आएका थिए ।