सामसुङले ल्याउँदैछ स्मार्ट औंठी, जुलाइमा बजारमा आउने

दक्षिण कोरियाली इलेक्ट्रोनिक्स कम्पनी सामसुङले छिटै नै आफ्नो फोल्ड तथा फ्लिप फोन लञ्च गर्नेवाला छ ।

उसो त कम्पनीले यसको आधिकारिक मितिको घोषणा गरिसकेको छैन, तथापि यससँग सम्बन्धित विभिन्न खुलासायुक्त समाचारहरु लगातार आइरहेका छन् ।

रिपोर्टहरुलाई आधार मान्नेहो भने कम्पनीले जुलाइ महिनाको सुरुवातमा आफ्ना नयाँ फोल्डबेल फोन लञ्च गर्नेछ।

पछिल्लोपटक सामसुङको उक्त विशेष सार्वजनिकीकरण समारोह Samsung Galaxy Unpacked Event सँग सम्बन्धित केही नयाँ विवरणहरु सार्वजनिक भएका छन् । जस अनुसार जुलाइमा कम्पनीले Galaxy Z Fold 6 तथा Galaxy Z Flip 6 सँगै Galaxy Ring नामबाट स्मार्ट औंठी पनि सार्वजनिक गर्दैछ ।

उक्त स्मार्ट औँठी सार्वजनिक हुनु अगावै त्यसको मूल्यको खुलासा भएको छ।

समाचार अनुसार ग्यालेक्सी स्मार्ट औंठीको मूल्य ३०० देखि ३५० डलरसम्म पर्नेछ ।

सामसुङको ग्यालेक्सी औंठीको सिधा प्रतिस्पर्धा फिनिस कम्पनी औराको Oura Ring सँग हुनेछ।

औराको स्मार्ट औंठीको मूल्य २९९ डलरदेखि ५४९ डलरसम्म रहेको छ । यसका अलावा यो औंठीको मासिक सब्सक्रिप्सन शुल्क पनि रहेको छ जुन वार्षिक ७१.८८ डलर छ ।

सामसुङको ग्यालेक्सी रिंगको बारेमा विस्तृत विवरण भने आइसकेको छैन । यद्यपि यसमा स्वास्थ्य तथा तन्दुरुस्ती ट्रयाकिङ फिचर हुने बताइएको छ ।

यो औंठीमा Spo2, मुटुको गति, निद्रालगायतका फिचर्स हुनेछन् । यसमा ब्लुटुथ ५.४ कनेक्टिभिटी हुनेछ।