काठमाडौं । नेपाली राजदूतावास, ओमानले पहिलो पटक श्रमिकहरुका लागि सामाजिक सुरक्षा सम्बन्धी अभिमुखीकरण कार्यक्रम गरेको छ ।
कार्यक्रममा ओमानका लागि नेपाली राजदूत डोरनाथ अर्यालले सामाजिक सुरक्षा कोष, नेपाल सरकारले चालेका कदमहरू र यसको महत्व बारेमा जानकारी गराएका थिए ।
कार्यक्रममा सामाजिक सुरक्षा कोषका उपकार्यकारी निर्देशक श्री विवेक पन्थीले सामाजिक सुरक्षा कोषमा आवद्ध हुने प्रक्रिया र योजनाको महत्व तथा फाइदाबारे विस्तृत रूपमा प्रकाश पारेका थिए ।
उक्त कार्यक्रमका लागि सामाजिक सुरक्षा कोष, काठमाडौंबाट उपकार्यकारी निर्देशक श्री विवेक पन्थी, , सहायक निर्देशक सुश्री राधिका निरौला र सूचना प्रविधि अधिकृत श्री राजेश चापागाई सम्मिलित तीन सदस्यीय टोली ओमान पुगेका थिए ।
कार्यक्रममा श्रम तथा कन्सलर सम्बन्धी अलग डेक्स खडा गरेर सेवाग्राहीहरुलाई जानकारी प्रदान गरिएको थियो । कार्यक्रममा २०० बढी सहभागी थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4