नेपाली सडकमा ५ सयभन्दा बढी ‘सेरेस ईभी’, २०२६ मा ३ नयाँ ल्याइने

News Summary

Generated by OK AI. Editorially reviewed.

सेरेसले नेपालका सडकमा ५०० भन्दा बढी आफ्नो इलेक्ट्रिक सवारी (ईभी) उपलब्ध गराएको छ, जसले नेपालको दिगो यातायातप्रति यसको प्रतिबद्धता देखाउँछ।
सेरेसले विश्वव्यापी रूपमा आफ्नो उपस्थिति विस्तार गर्दै नयाँ मोडेलहरू र नयाँ बजारहरूमा प्रवेश गरिरहेको छ, र यसले अन्तर्राष्ट्रिय पुरस्कारहरू जितेको छ।
नेपालमा सेरेसले कठिन भौगोलिक परिस्थितिहरूमा आफ्नो शक्ति प्रमाणित गरेको छ र दिगो र वातावरणमैत्री यातायातको लागि प्रतिबद्ध रहेको छ।

काठमाडौं । अन्तर्राष्ट्रिय स्तरको प्रिमियम विद्युतीय सवारी (ईभी) ब्रान्ड सेरेसले नेपालका सडकमा आफ्ना ५ सयभन्दा बढी ईभी पुगेको घोषणा गरेको छ । यो उपलब्धिले सेरेसको तीव्र विकास र नेपालको दिगो यातायातप्रतिको चासो झन् बढ्दै गएको संकेत गरेकाे कम्पनीले जनाएकाे छ ।

यस सफलताका अवसरमा शुक्रबार सेरेसले एक विशेष केक काट्ने कार्यक्रम आयोजना गरेको थियो । कार्यक्रममा सेरेसका सेल्स डाइरेक्टर डेभिड लुओ, एमएडब्लू वृद्धि मोटर्सका प्रबन्ध निर्देशक विवेक सिकरिया र सीईओ प्रशन्न पन्त लगायत प्रमुख व्यक्तिको उपस्थिति थियो ।

‘नेपालका सडकमा सेरेस गाडीको संख्या ५ सयभन्दा बढी पुग्नु भनेको हाम्रो दायित्व, समर्पण र नेपालको विविधतायुक्त भूगोललाई ध्यानमा राखेर तयार पारिएको भरपर्दो तथा नवीनतम ईभी सोलुसन्सको प्रमाण हो,’ सिकरियाले भने, ‘नेपाली उपभोक्तामा सेरेसप्रतिको विश्वास र उत्साह बढ्दो छ भन्ने देख्दा हामी अत्यन्त उत्साहित छौं । सेरेसको आधुनिक प्रविधि, बलियो प्रदर्शन र स्टाइलिस डिजाइन नेपाली प्रयोगकर्ताको रोजाइसँग मेल खान्छ । यो उपलब्धिले सेरेसको अन्तर्राष्ट्रिय उत्कृष्टतासँगै नेपालको दिगो वातावरणमैत्री भविष्य निर्माणमा हाम्रो योगदानलाई पनि प्रष्ट पार्छ।’

सिलिकन भ्यालीबाट सुरु भएको सेरेसले हाल ७० भन्दा बढी देशमा आफ्नो उपस्थिति कायम गरिसकेको छ र युरोपमा प्रवेश गर्ने पहिलो चिनियाँ ईभी ब्रान्ड समेत बनिसकेको छ । यस ब्रान्डले अमेरिका, चीन र इन्डोनेसियामा ६ वटा विशाल उत्पादन केन्द्र र अमेरिका, चीन, जर्मनी तथा जापानमा ७ वटा अनुसन्धान तथा विकास केन्द्र सञ्चालन गरिरहेको छ ।

सेरेस ग्रुप चीनका नाफामा रहेका थोरै गाडी निर्माता कम्पनीमध्ये एक हो । सन् २०२५ को पहिलो त्रैमासिकमा कम्पनीले १० करोड डलरभन्दा बढी नाफा आर्जन गरेर आफ्नो आर्थिक स्थायित्व र बजारको पकड प्रष्ट पारेको छ ।

अबको योजना अनुसार सेरेस ग्रुपले सन् २०२६ भित्र ‘एम७’, ‘एम८’ र ‘एम८’ गरी तीन नयाँ ईभी मोडेल सार्वजनिक गर्ने छ जसले यसको इनोभेटिभ लाइनअपलाई थप विस्तार गर्ने छ ।

सेरेसको गुणस्तर र नवप्रवर्तनले अन्तर्राष्ट्रिय रूपमा पनि मान्यता पाइरहेको छ । इन्डोनेसियामा सेरेसले ‘फेभरेट कार लन्च’, ‘मोस्ट अफोर्डेबल कार’ र ‘फेभरेट कमर्सियल भेहिकल’ जस्ता ३ प्रमुख ईभी अवार्ड जितेको छ । यसले कम्पनीको उत्कृष्टता, ग्राहक सन्तुष्टि र कम मूल्यमै विशिष्टता दिन सक्ने क्षमतालाई बलियो बनाएको छ ।

हालै ‘सेरेस ३’ लाई इन्डोनेसिया, हङकङ, रुस र नर्वेजस्ता देशमा सार्वजनिक गरिएको छ, जसले सेरेसको विश्वव्यापी प्रभाव अझ फराकिलो बनाएको छ ।

नेपालमा सेरेसले कठिन भौगोलिक चुनौतीमा आफ्नो शक्ति प्रमाणित गरिसकेको छ । ४ हजार ६ सय ६० मिटर उचाइमा रहेको कोरला पास पार गर्ने पहिलो ईभी बनेर सेरेसले चरम परिस्थितिमा समेत आफ्नो क्षमता प्रदर्शन गरेको छ ।

नेपाल दिगो एवं वातावरणमैत्री भविष्यतर्फ अग्रसर भइरहँदा सेरेसले स्थानीय आवश्यकता सम्बोधन गर्दै विश्वस्तरीय मापदण्ड पनि पूरा गर्ने स्मार्ट, सुरक्षित र स्टाइलिस ईभी नेपाली प्रयोगकर्ता समक्ष ल्याइरहने जनाएको छ ।