बुढीगण्डकी परियोजना चाहेजस्तो अघि बढेन : प्रचण्ड

News Summary

Generated by OK AI. Editorially reviewed.

नेकपा माओवादी केन्द्रका अध्यक्ष प्रचण्डले बुढीगण्डकी जलविद्युत् परियोजना अघि बढाउन नसकेको बताएका छन्।
उनले परियोजना अघि नबढ्दा स्थानीय जनतालाई पीडा भएको महसुस गरेको बताए।
प्रचण्डले परियोजना राष्ट्रिय गौरवको आयोजना भएको र सहमति जुटाएर अघि बढाउने बताए।

१३ जेठ, काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले बुढीगण्डकी जलविद्युत् परियोजनालाई चाहेजस्तो गरी अघि बढाउन नसकेको बताएका छन् ।

परियोजना अघि नबढ्दा स्थानीय जनतालाई पीडा भएको आफूले महसुस गरेको उनले बताए ।

गोरखाको भिमसेन थापा गाउँपालिकास्थित खाञ्चोकमा पालिकाको प्रमुख प्रशासकीय भवन मंगबालर उद्घाटन गर्दै प्रचण्डले यस्तो बताएका हुन् ।

आफू प्रधानमन्त्री हुँदा परियोजनालाई गति दिन पटक-पटक सरोकारवालासँग छलफल गरेको उनले बताए । तर, पनि चाहेजस्तो गरी परियोजना अघि बढ्न नसकेमा प्रचण्डले असन्तोष व्यक्त गरे ।

बुढीगण्डकी परियोजनाका लागि लगानी जुटाउन सरकारले पेट्रोलियम पदार्थमा लगाउँदै आएको पाँच प्रतिशत कर रोकिएमा आफ्नै कार्यकालमा त्यसलाई निरन्तरता दिएर लगानी सुनिश्चितको प्रयास गरेको उनले बताए ।

बुढीगण्डकी आयोजना बहुआयामिक र राष्ट्रिय गौरवको आयोजना भएको बताउँदै उनले यो राष्ट्रको हितमा रहेको बताए ।

देशभर वितरणका दृष्टिकोणलाई गोरखाको बुढीगण्डकी जलविद्युत् परियोजना उपर्युक्त रहेको भन्दै उनले दलहरू र सरोकारवालाबीच सहमति जुटाएर अघि बढाइछाड्ने बताए ।