अशोक दर्जीले सके ‘मन बिनाको धन’को छायांकन

News Summary

Generated by OK AI. Editorially reviewed.

बालगायक अशोक दर्जीको फिल्म ‘मन बिनाको धन’को छायांकन सकिएको छ।
फिल्मको निर्देशन टंक बुढाथोकीले गरेका हुन् र प्रदर्शन आगामी तिहारमा हुने चर्चा छ।
छायांकन मुस्ताङ, काठमाडौं र पोखरामा २८ दिनसम्म चलेको थियो।

काठमाडौं । बालगायक अशोक दर्जीको शीर्ष भूमिका रहेको फिल्म ‘मन बिनाको धन’को छायांकन सकिएको छ । प्रदर्शनीमार्गस्थित पुलिस क्लबमा कन्सर्टको दृश्य छायांकन गर्दै इन्डकल्याप गरियो ।

२८ दिनसम्म मुस्ताङ, काठमाडौं र पोखरामा छायांकन चलेको थियो । गायक तथा संगीतकार टंक बुढाथोकीले यो डेब्यु निर्देशकीय फिल्मको निर्देशन गरेका हुन् ।

सेटबाट प्राप्त तस्वीरमा बालगायक तथा कलाकार दर्जी लगायतलाई देख्न सकिन्छ । अर्को एक फोटोमा दर्जीले इन्डकल्याप समातेर छायांकन सकिएको जनाएका छन् ।

शीर्ष भूमिकामा दर्जी छन् । उनीसहित सरोज खनाल, सन्तोष पन्त, रमा थपलिया, नीता ढुंगाना, भोला सापकोटा, बुद्धि तामाङको अभिनय यसमा छ । भक्तपुर, काठमाडौं र तनहुँमा छायांकन हुनेछ ।

बुढाथोकीले कम्पोज गरेको गीत ‘मनबिनाको धन’ हिट भएको थियो । उक्त गीतबाट फिल्मको शीर्षक राखिएको हो ।

बालगायक दर्जीको यो डेब्यु फिल्म हुनेछ । गीतमा पनि उनी फिचर्ड थिए । उक्त गीतमार्फत दर्जीको जीवनमा बदलाव आयो । उनी अहिले काठमाडौंको एक विद्यालयमा कक्षा ८ मा पढ्छन् ।

यो फिल्मको प्रदर्शन आउँदो तिहारमा हुने चर्चा भएपछि निश्चित भैसकेको छैन ।