अध्यागमन विभागमा संसदीय अवलोकन भ्रमण गर्न रास्वपाको माग

News Summary

Generated by OK AI. Editorially reviewed.

रास्वपा ले अध्यागमन विभागको संसदीय अवलोकन भ्रमणको लागि निवेदन दिएको छ।
डा. चन्दा कार्की भण्डारीले अवैध मानव तस्करी र भ्रष्टाचारको खबरले गम्भीर चासो व्यक्त गरेकी छन्।
उनीहरूले समितिका सभापति रामहरि खतिवडालाई निवेदन पठाएर भ्रमणको माग गरेकी हुन्।

२५ जेठ, काठमाडौं । राष्ट्रिय स्वतन्त्र पार्टी (रास्वपा)ले अध्यागमन विभागमा संसदीय अध्ययन अवलोकन भ्रमण माग गरेको छ ।

यसका निम्ति रास्वपाकी सांसद डा.चन्दा कार्की भण्डारीले प्रतिनिधिसभा अन्तर्गतको राज्य व्यवस्था तथा सुशासन समितिमा निवेदन नै दिएकी छन् ।

‘भिजिट भिसाको नाममा अध्यागमन प्रक्रियामार्फत सेटिङ मिलाएर अवैध मानव तस्करीका प्रयासहरू र भ्रष्टाचार सम्बन्धी खबरहरूले देशभर गम्भीर सार्वजनिक चासो उत्पन्न गराएको छ । यस्ता कियाकलापकहरू सुशासन, पारदर्शिता र विधिको शासन जस्ता मुल्य मान्यतासँग प्रत्यक्ष टक्कर खाँदैछन्,’ डा. कार्कीको निवेदनमा उल्लेख छ ।

डा. कार्की आफैँ प्रतिनिधि सभा अन्तर्गतको राज्य व्यवस्था तथा सुशासन समितिकी सदस्य हुन् ।

समितिका सभापति रामहरि खतिवडालाई निवेदन लेखेर उनले अध्यागमन विभागमा संसदीय अवलोकन भ्रमण माग गरेकी हुन् ।