देशभर १३ वटा वडाध्यक्षको पद रिक्त

News Summary

Generated by OK AI. Editorially reviewed.

निर्वाचन आयोगले काठमाडौंका १३ वडाध्यक्ष पद रिक्त भएकाले उपनिर्वाचनको तयारी गरिरहेको छ।
आयोगका आयुक्तहरूले प्रधानमन्त्री केपी शर्मा ओलीसँग छलफल गरी उपनिर्वाचन र रिक्त स्थानका विषयमा निर्णय गरेका छन्।
प्रतिनिधिसभा र प्रदेशसभाका रिक्त स्थानहरूमा कात्तिक दोस्रो साता उपनिर्वाचन गर्न प्रस्ताव गरिएको छ।

काठमाडौं, ६ असार । देशभरका स्थानीय तहमा १३ वटा वडाध्यक्षको पद रिक्त छ ।

रिक्त रहेका वडाध्यक्षको पदमा उपनिर्वाचन गर्ने तयारीमा निर्वाचन आयोग जुटेको छ । तयारी अन्तर्गत नै आयोगका पदाधिकारीहरूले शुक्रबार प्रधानमन्त्री केपी शर्मा ओलीसँग परामर्श गरेका छन् ।

प्रधानमन्त्री तथा मन्त्रिपरिषद्को कार्यालय, सिंहदरबारमा प्रधानमन्त्री ओलीलाई भेट्न आयोगका कार्यबाहक प्रमुख निर्वाचन आयुक्त रामप्रसाद भण्डारी पुगेका थिए ।

आयोगका आयुक्तहरुले प्रधानमन्त्रीलाई भेटेर उपनिर्वाचनको तयारीबारे छलफल गरेका हुन् । भेटमा आगामी प्रतिनिधिसभा र प्रदेशसभाको उपनिर्वाचन गर्न र राष्ट्रियसभामा आगामी फागुन २० गते

रिक्त हुने १८ स्थानका लागि निर्वाचन तय गर्ने विषयमा छलफल भएको छ । कात्तिकको दोस्रो साता प्रतिनिधिसभा र प्रदेशसभाको उपनिर्वाचन गर्न सकिने आयोगको प्रस्ताव रहेको छ ।

प्रतिनिधिसभाका सदस्यको रुपन्देही क्षेत्र नं. ३ र गण्डकी प्रदेशसभाको मनाङ क्षेत्र नं. १ (२) को रिक्त रहेको छ ।