News Summary
Generated by OK AI. Editorially reviewed.- नेपाल सुनचाँदी व्यवसायी महासंघले आइतबार सुनचाँदीको नयाँ मूल्य निर्धारणमा विलम्व गर्दै विरोध जनाएको छ।
- बजेटले सुनका गरगहामा २ प्रतिशत विलासी कर थपिएपछि व्यवसायीहरूले आन्दोलन गरेका हुन्।
- व्यवसायीहरूले माग सम्बोधन नभएसम्म कारोबार ठप्प रहने बताएका छन्।
१५ असार, काठमाडौं । व्यवसायीको आन्दोलनका कारण सुनचाँदीको कारोबार ठप्प भएको छ । सुनचाँदीको मुख्य कारोबार हुने न्यूरोडसहित उपत्यकाका अधिकांश स्थानका सुनचाँदी पसल आइतबार पनि बन्द छन् ।
नेपाल सुनचाँदी व्यवसायी महासंघले आइतबार सुनचाँदीको नयाँ मूल्य समेत निर्धारणमा समेत विलम्व गरेर विरोध जनाएको छ । महासंघका अध्यक्ष अर्जुन रसायलीले आफूहरुका माग सम्बोधन नभएसम्म कारोबार ठप्प हुने जानकारी दिए ।
कारोबार नै ठप्प भए पनि नयाँ मूल्य भने तय गरिने उनले बताए । ‘नयाँ मूल्य केही बेरमै तय हुन्छ, तर माग सम्बोधन नभएसम्म विरोध कायमै रहन्छ’ उनले भने ।
बजेट घोषणापछि नै व्यवसायीहरु आन्दोलनमा छन् । बजेटले सबै किसिमका सुनका गरगहनामा २ प्रतिशत विलासी कर थपेपछि व्यवसायीले विरोध प्रदर्शन गरेका हुन् ।
विलासी कर लगाउनुअघि नै नेपालभन्दा भारतमा सुन सस्तो रहेको र यो करले यहाँ सुनको मूल्य थप बढ्न गई भारतबाट तस्करी समेत मौलाउने व्यवसायीको भनाइ छ ।
बजेटअघि १० लाखमाथिको सुनका गरगहना एकैपटक खरिद गर्दा मात्रै विलासी कर लाग्दथ्यो । त्यसो हुँदा एकै व्यक्ति तथा परिवारले १० लाखमुनि हुनेगरी धेरै पटक गरगहना खरिद गर्दथे ।
अहिले भने सबै रकमको गरगहना खरिदमा २ प्रतिशत विलासी कर लागेपछि व्यवसायी आन्दोलित भएका हुन् । २ प्रतिशत विलासिता शुल्कले सुनको गरगहना ६ प्रतिशतसम्म महँगो पर्न जाने व्यवसायीको भनाइ छ ।
सरकारले बजेट संशोधनका क्रममा माग पूरा गर्ने आश्वासन दिए पनि सम्बोधन नगरेको भन्दै व्यवसायी आक्रोशित बनेका हुन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4