News Summary
Generated by OK AI. Editorially reviewed.- आज राष्ट्रिय धान दिवस मनाइँदैछ, सरकारी तथा गैरसरकारी प्रतिनिधिहरू पनि किसानले धान रोपिरहेको खेतमा सरिक भएर धान दिवस मनाइरहेका छन्।
- असार दोस्रो सातासम्म देशभरि १५ प्रतिशत मात्र धान रोपाइँ भएको विभागले जनाएको छ।
- सुदूरपश्चिम प्रदेशमा सबैभन्दा बढी ४५.५ प्रतिशत धान रोपाइँ भएको छ।
१५ असार, काठमाडौं । आज राष्ट्रिय धान दिवस । सरकारी तथा गैरसरकारी पक्षका प्रतिनिधिहरू पनि धान रोपाइँमा किसानसँगै खेतमा सरिक भएर धान दिवस मनाइरहेका छन् ।
ललितपुर खोकना क्षेत्रका अधिकांश भू-भागमा पनि धान रोपाइँ सकिएको छ । रोपाइँपछि खोकना क्षेत्रको दृश्य मनमोहक देखिएको छ । धान रोपाइँपछि खेतका फाँटहरूमा हरियाली छाएको छ । हरियालीका कारण खोकना क्षेत्रका खेतका फाँटहरू आकर्षक र रमणीय देखिएका छन् ।
कृषि तथा पशुपन्छी विकास मन्त्रालय अन्तर्गतको कृषि विभागले शुक्रबार सार्वजनिक गरेको तथ्यांक अनुसार असार दोस्रो सातासम्म देशभरि १५ प्रतिशतमात्र धान रोपाइँ भएको छ ।
विभागको तथ्यांक अनुसार १३ असारसम्म १ करोड ३९ लाख १३ हजार २१ हेक्टरमध्ये २ लाख १७ हजार २ सय ८९ हेक्टरमा मात्र रोपाइँ भएको छ ।
गत वर्ष १४ असारसम्म १७.२ प्रतिशत रोपाइँ भएकोमा यस वर्ष सोही अवधिमा १५.६ प्रतिशत मात्रै भएको छ ।
सबैभन्दा बढी रोपाइँ सुदूरपश्चिम प्रदेशमा भएको छ । त्यहाँ कुल रोपाइँ क्षेत्रफलको ४५.५ प्रतिशतमा रोपाइँ सम्पन्न भएको तथ्यांकमा उल्लेख छ ।
त्यस्तै कर्णाली प्रदेशमा ३९.१ प्रतिशत, लुम्बिनी ९.७, गण्डकी १३.८, बागमती २०.५, मधेस ३.९ र कोशी प्रदेशमा १४.३ प्रतिशत रोपाइँ भएको छ ।
मधेश प्रदेशका सप्तरी, रौतहट र महोत्तरी जिल्लाको विवरण आउन बाँकी रहेको विभागले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "3 BHK House for Rent")
.jpg "4 BHK House for Sale")
प्रतिक्रिया 4