१० असार, काभ्रेपलाञ्चोक । खोलाले बगाएर बेपत्ता भएका काभ्रेपलाञ्चोकको तेमाल गाउँपालिका–१ अमलटारीका गगनबहादुर भण्डारीको शव फेला परेको छ ।
शुक्रबार राति करिब ८ : ४५ बजे खेतमा पानी लगाइरहेका बेला आएको झिगुखोलाको बाढीले उनलाई बगाएको थियो । बेपत्ता भएपछि रातभर खोजी गरीएको थियो ।
स्थानीय बासिन्दा, प्रहरी र खोज तथा उद्धार टोलीले निरन्तर खोजी गर्दा आज बिहान ११ बजे उनको शव सुनकोसी नदीको किनारमा फेला परेको जिल्ला प्रहरी कार्यालय काभ्रेपलाञ्चोकका सूचना अधिकारी मिन घलेले जानकारी दिए ।
स्थानीयका अनुसार, शवको टाउकोमा सामान्य चोट लागेको र कानबाट रगत बगेको देखिएको छ । उनी सक्रिय कृषकका रूपमा परिचित थिए ।
जिल्ला प्रशासन कार्यालय काभ्रेले उनी बेपत्ता भएको एरियादेखि सुनकोसी नदीको किनारमा आसपास बसोबास गर्नेहरूलाई यसअघि समेत सूचना जारी गरी सतर्क रहन अपिल गर्दै आएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4