‘होमबाउन्ड’ भारतबाट अस्करमा सिफारिस

News Summary

Generated by OK AI. Editorially reviewed.

नीरज घायवान निर्देशित फिल्म ‘होमबाउन्ड’ सन् २०२६ को अस्कर अवार्ड अन्तर्गत ‘अन्तर्राष्ट्रिय फिचर’ विधाको लागि भारतबाट आधिकारिकरुपमा छनोट भएको छ।
करण जोहरले निर्माण गरेको फिल्ममा इशान खट्टर, विशाल जेठवा र जान्हवी कपूरले अभिनय गरेका छन्।
फिल्म फेडरेसन अफ इन्डियाले कोलकातामा छनोटको घोषणा गरेको र ‘होमबाउन्ड’ले विश्वका सयभन्दा धेरै देशबाट सिफारिस भएका फिल्मसँग मनोनयनको लागि प्रतिस्पर्धा गर्नेछ।

दिल्ली । नीरज घायवान निर्देशित फिल्म ‘होमबाउन्ड’ सन् २०२६ को अस्कर अवार्ड अन्तर्गत ‘अन्तर्राष्ट्रिय फिचर’ विधाको लागि भारतबाट आधिकारिकरुपमा छनोट भएको छ ।

करण जोहरले निर्माण गरेको फिल्ममा इशान खट्टर, विशाल जेठवा र जान्हवी कपूरले अभिनय गरेका छन् ।

पीटीआईका अनुसार फिल्म फेडरेसन अफ इन्डियाले कोलकातामा छनोटको घोषणा गरेको हो । छनोट समितिका अध्यक्ष एन चन्द्रका अनुसार विभिन्न भाषाका २४ फिल्म छनोटको प्रतिस्पर्धामा थिए ।

‘होमबाउन्ड’ले आगामी अस्करमा विश्वका सयभन्दा धेरै देशबाट सिफारिस भएका फिल्मसँग मनोनयनको लागि प्रतिस्पर्धा गर्नेछ ।

निर्माता करण जोहरको निर्माण कम्पनी धर्मा प्रोडक्सनले यस अवसरमा ट्वीट गर्दै खुसी व्यक्त गरेको छ ।

ट्वीटमा लेखिएको थियो, ‘हामीलाई यो घोषणा गर्न पाउँदा गर्व छ कि होमबाउन्ड ९८ औं एकेडेमी अवार्डमा सर्वश्रेष्ठ अन्तर्राष्ट्रिय फिचर फिल्मको लागि भारतको आधिकारिक प्रवेश हो ।’

भारतबाट यस विधामा तीन भारतीय फिल्म ’मदर इन्डिया’, ’सलाम बम्बे’ र ’लगान’ मनोनित भइसकेका छन् । सन् २०२३ मा निर्देशक एसएस राजामौलीको फिल्म ‘आरआरआर’ सर्वश्रेष्ठ मौलिक गीत विधामा अस्कर जितेको थियो ।