कुखुराको मासुको भाउ घट्यो

News Summary

Generated by OK AI. Editorially reviewed.

राष्ट्रिय कुखुरा बिक्री व्यवसायी संघले बुधबारदेखि कुखुरा मासुको मूल्य किलोमा १० देखि १५ रुपैयाँसम्म घटेको जानकारी दिएको छ।
जिउँदो कुखुराको मूल्य प्रतिकिलो २५० रुपैयाँबाट २४० रुपैयाँमा र तयारी मासुको मूल्य ३४५ रुपैयाँबाट ३३० रुपैयाँमा झरेको छ।
संघ अध्यक्ष जंगबहादुर बीसीले उत्पादन वृद्धि भए पनि बिक्री कम भएकाले मासुको भाउ अझै घट्न सक्ने बताए।

२९ असोज, काठमाडौं । बजारमा कुखुरा मासुको भाउ घटेको छ । राष्ट्रिय कुखुरा बिक्री व्यवसायी संघका अनुसार आज बुधबारदेखि लागु हुने गरी मासुको भाउ घटेको हो ।

राष्ट्रिय कुखुरा बिक्री व्यवसायी संघ अध्यक्ष जंगबहादुर बीसीले कुखुरा मासुको मूल्य किलोमा १० रुपैयाँदेखि १५ रुपैयाँसम्म घटेको जानकारी दिए ।

बीसीका अनुसार जिउँदो कुखुरामा प्रतिकिलो १० रुपैयाँ घटेर २ सय ४० रुपैयाँ कायम भएको छ । यसअघि जिउँदो कुखुरा किलोको २ सय ५० रुपैयाँ थियो ।

यस्तै, तयारी कुखरा मासुको मूल्य पनि घटेको छ । तयारी मासु प्रतिकिलो १५ रुपैयाँले घटेको हो । यसअघि ३ सय ४५ रुपैयाँ रहेको तयारी मासुको मूल्य ३ सय ३० रुपैयाँमा झरेको अध्यक्ष बीसीले बताए ।

यतिबेला कुखुरा उत्पादनमा वृद्धि भएका कारण मासुको मूल्य घटेको उनको भनाइ छ । ‘उत्पादन वृद्धि भइरहेको छ, तर बिक्री एकदमै कम छ,’ उनले भने, मासुको भाउ अझै घट्न सक्छ ।’