कुखुरा मासुको भाउ बढ्यो

News Summary

Generated by OK AI. Editorially reviewed.

राष्ट्रिय कुखुरा बिक्री व्यवसायी संघले सोमबारदेखि कुखुरा मासुको भाउ प्रतिकिलो १० देखि १५ रुपैयाँले बढेको जानकारी दिएको छ।
जिउँदो कुखुरा प्रतिकिलो मूल्य २ सय ३० रुपैयाँ र तयारी मासुको मूल्य ३ सय २५ रुपैयाँ कायम भएको छ।
संघ अध्यक्ष जंगबहादुर बीसीले जाडो बढ्दा कुखुरा उत्पादन घट्ने र त्यसले मूल्य वृद्धि हुने खुलाएका छन्।

१ मंसिर, काठमाडौं । स्थानीय बजारमा कुखुरा मासुको भाउ बढेको छ । राष्ट्रिय कुखुरा बिक्री व्यवसायी संघका अनुसार आज सोमबारदेखि लागु हुने गरी भाउ बढेको हो ।

राष्ट्रिय कुखुरा बिक्री व्यवसायी संघ अध्यक्ष जंगबहादुर बीसीले कुखुरा मासुको भाउ किलोमा १० रुपैयाँदेखि १५ रुपैयाँसम्म बढेको जानकारी दिए ।

भाउ बढेसँगै जिउँदो कुखुरा प्रतिकिलो २ सय ३० रुपैयाँ कायम भएको छ । यसअघि जिउँदो कुखुरा किलोको २ सय २० रुपैयाँ थियो ।

उपभोक्ताले भने प्रतिकिलो २ सय ५० रुपैयाँमा जिउँदो कुखुरा खरिद गर्न पाउने अध्यक्ष बिसीले बताए ।

यस्तै तयारी कुखरा मासुको मूल्य पनि बढेको छ । तयारी मासु प्रतिकिलो १५ रुपैयाँले बढेको हो । तयारी मासुको मूल्य ३ सय २५ रुपैयाँ पुगेको अध्यक्ष बीसीले बताए ।

बीसीका अनुसार जाडो बढ्दै गएपछि कुखुरा उत्पादन घट्ने भएकाले मूल्यवृद्धि भएको हो । ‘चिसोमा उत्पादन कम हुन्छ,’ उनले भने, ‘उत्पादन कम हुँदा बजारमा कुखुरा अभाव हुने र त्यसले मूल्य बढ्ने हुन्छ ।’