१९ कात्तिक, काठमाडौं । नेपाली कांग्रेसका केन्द्रीय सदस्य एवं कर्णालीका पूर्व मुख्यमन्त्री जीवनबहादुर शाहीले विशेष महाधिवशेनले पार्टीभित्र विग्रह ल्याउने बताएका छन् ।
केन्द्रीय समितिको बैठकमा बुधबार आफ्नो धारणा राख्दै शाही विशेष महाधिवेशनको विपक्षमा देखिएका हुन् ।
विशेष महाधिवशेनको पक्षमा संकलित ५४ प्रतिशत हस्ताक्षर झुटो हुनसक्ने आशंका समेत उनले गरे ।
‘मैले बुझेको विशेष महाधिवेशन भनेको हाम्रो समय हुँदाहुँदै नेतृत्व सक्षम भएन भनेर हटाएर अर्को ल्याउने भन्ने कुरा होला । आज त हाम्रो करिब करिब सबै समय अवधि सिद्धिसकेको छ,’ उनले भने ।
महामन्त्री गगन थापा र सहमहामन्त्री महेन्द्र यादवले प्रस्तुत गरेको महाधिवेशनको कार्यतालिकाबाट साझा मिलनबिन्दु खोजेर नियमित महाधिवशेन गर्न सकिने उनले बताए ।
‘एकले अर्कालाई हामीले ध्वाँस दिने, धम्काउने तर्साउने मात्र कुरा गरिरहेका छौं । यसले हामीलाई कुन ठाउँमा पुर्याउँछ ?,’ शाहीले प्रश्न गरे ।
कांग्रेसका नियमित महाधिवशेन हुन नसके २८ पुसभित्र विशेष महाधिवशेन गर्नुपर्ने माग सहित ५४ प्रतिशत प्रतिनिधिले हस्ताक्षर केन्द्रीय कार्यालयमा पेश गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Balkot")
प्रतिक्रिया 4