मनराम–एसकाज पत्रकारिता पुरस्कार पोखरेललाई

News Summary

Generated by OK AI. Editorially reviewed.

यस वर्षको मनराम–एसकाज पत्रकारिता पुरस्कार वरिष्ठ पत्रकार गोविन्द पोखरेललाई प्रदान गरिएको छ।
सञ्चार तथा सूचना प्रविधिमन्त्री जगदीश खरेलले काठमाडौंमा आयोजित कार्यक्रममा पुरस्कार प्रदान गरे।
पोखरेलले ५० हजार राशीको पुरस्कार पाएका छन् र उनी गोरखापत्र संस्थानका पूर्वअध्यक्ष हुन्।

१२ मंसिर, काठमाडौं । यस वर्षको मनराम–एसकाज पत्रकारिता पुरस्कार वरिष्ठ पत्रकार गोविन्द पोखरेललाई प्रदान गरिएको छ ।

सञ्चार तथा सूचना प्रविधिमन्त्री जगदीश खरेलले शुक्रबार काठमाडौंमा आयोजित कार्यक्रममा पुरस्कार प्रदान गरे । संखुवासभा खाँदबारी–१ समाजसेवी दिवंगत रामबहादुर श्रेष्ठको सम्झनामा मनराम फाउण्डेससन र एसकाजले यो पुरस्कार प्रत्येक वर्ष प्रदान गर्दै आएको छ ।

५० हजार राशीको पुरस्कार पाउने पोखरेल गोरखापत्र संस्थानका पूर्वअध्यक्ष समेत हुन् । २०१२ सालमा खाँदबारी-९ तुम्लिङटारमा जन्मिएका पोखखेलले पञ्चायतकालदेखि पत्रकारिता गर्दै आएका पाका पत्रकार हुन् ।

एसकाजका अध्यक्ष शंकर खनालका अनुसार यस अघि यो पुरस्कारबाट संखुवासभाका नौजना पत्रकार पुरस्कृत भइसकेका छन् ।