प्रेम सम्बन्धमा रहेको जनाउँदै गरिमा शर्माले सेयर गरिन् ‘प्रमिस रिङ’ लगाएको फोटो

News Summary

Generated by OK AI. Editorially reviewed.

मोडल तथा अभिनेत्री गरिमा शर्माले आफू ‘मिंगल रिलेसिनसिप’ मा रहेको कुरा फेसबुक पोस्टमार्फत सार्वजनिक गरिन्।
उनले प्रेम प्रस्ताव स्वीकारेकी र ‘प्रमिस रिङ’ लगाएको फोटो सेयर गरिन्।
उनले प्रेमीको बारेमा जानकारी नदिई रहस्यमय बनाएर प्रशंसकमा जिज्ञासा बढाइन्।

काठमाडौं । मोडल तथा अभिनेत्री गरिमा शर्मा अब सिंगल रहिनन् । उनले आफू ‘मिंगल रिलेसिनसिप’ मा रहेको कुरा सार्वजनिकरुपमै बताएकी छन् । आइतबार राती ११ बजेतिरको फेसबुक पोस्टमार्फत गरिमाले आफ्नो रिलेसनसिप स्टाटस खुलाएकी हुन् ।

आफूले प्रेम प्रस्ताव स्वीकारेको र ‘प्रमिस रिङ’ लगाएको फोटो उनले सेयर गरेकी छिन् । ‘उसले प्रस्ताव राख्यो र मैले हुन्छ भनेँ । प्रमिस रिङ’ क्याप्सनमा उल्लेख छ ।

उनले यसबारे जानकारी दिन ४ वटा इमोजी प्रयोग गरेकी छन् । जसमा रिङ, रेड हार्ट, नजर एमुलेट र स्पार्कल्स छन् । टर्कीको संस्कृतिमा नजर एमलुेटको अर्थ हुन्छ कसैको खराब आँखा नलागोस् । स्पार्कल्सको अर्थ हुन्छ, अन्य ताराहरूले घेरिनु ।

फोटोमा गरिमाका प्रेमीको हात मात्र देखाइएको छ । हातमा ‘गरिमा’ नामको ट्याटु खोपिएको छ ।

इन्स्टाग्राममा क्याप्सन छ, ‘अन्ततः प्रेममा परेँ र त्यो देखियो ।’ उनले आफ्ना प्रेमीबारे जानकारी दिएकी छैनन्, जसले गर्दा प्रशंसकलाई ती रहस्यमय युवा को हुन् भन्ने जिज्ञासा छ ।