टाटाको ‘बिग स्विच’ अफर, पुराना गाडी साटेर नयाँ अपग्रेड गर्ने अवसर

News Summary

Generated by OK AI. Editorially reviewed.

टाटा मोटर्सको आधिकारिक वितरक सिप्रदी ट्रेडिङले अंग्रेजी नयाँ वर्ष २०२६ को अवसरमा 'न्यू इयर बिग स्विच' कार्यक्रम सार्वजनिक गरेको छ।
जनवरी १५ देखि १८ गतेसम्म सञ्चालन हुने कार्यक्रममा ग्राहकले पुराना गाडी साटेर टाटाका नयाँ सवारीमा अपग्रेड गर्न पाउनेछन्।
कार्यक्रममा टाटाका गाडी बुकिङ गर्ने ग्राहकले उपहार, नगद छुट, निःशुल्क चार्जिङ र एक वर्षको सवारी कर छुट पाउनेछन्।

३० पुस, काठमाडौं । टाटा मोटर्सको नेपालका लागि आधिकारिक वितरक सिप्रदी ट्रेडिङले अंग्रेजी नयाँ वर्ष २०२६ को अवसरमा विशेष ‘न्यू इयर बिग स्विच’ कार्यक्रम सार्वजनिक गरेको छ ।

जनवरी १५ देखि १८ तारिख (माघ १ देखि ४ गते) सम्म सञ्चालन हुने यस चार दिने विशेष कार्यक्रम मार्फत ग्राहकले आफ्ना पुराना जुनसुकै गाडी साटेर टाटाका अत्याधुनिक सवारी साधनमा अपग्रेड गर्ने अवसर पाउने छन् ।

‘यस कार्यक्रमको मुख्य उद्देश्य ग्राहकलाई आफ्नो पुरानो गाडीको उत्कृष्ट एक्सचेन्ज मूल्याङ्कनु उपलब्ध गराउँदै नयाँ सवारीको अनुभव दिलाउनु हो’ कम्पनीले विज्ञप्तिमा भनेको छ ‘योजना अवधिभर टाटाका गाडी बुकिङ गर्ने प्रत्येक ग्राहकले आकर्षक उपहार प्राप्त गर्नेछन् भने आकर्षक नगद छुटको सुविधा समेत उपलब्ध छ ।’

विशेष गरी विद्युतीय सवारी साधनप्रति रुची राख्ने ग्राहकहरूका लागि कम्पनीले आजीवन निःशुल्क डीसी फास्ट चार्जिङ र निःशुल्क होम चार्जिङ जडानजस्ता सहुलियतहरू प्रदान गरेको छ ।

यसका साथै नयाँ गाडी खरिद गर्दा ग्राहकले एक वर्षको सवारी कर छुट र निःशुल्क एसेसोरिज जस्ता सुविधाहरू समेत पाउनेछन् । टाटाका ईभी र आईसीई सेगमेन्टका टियागो, नेक्सन, पञ्च, सफारी र कर्भ ईभी लगायतका चर्चित मोडलहरूमा केन्द्रित यस अत्याधुनिक यातायातको पहुँचलाई थप सहज बनाउने कम्पनीको भनाइ छ ।