आकाश श्रेष्ठको पुनरागमन पक्का, साइन गरे नयाँ एक्सन फिल्म

News Summary

Generated by OK AI. Editorially reviewed.

अभिनेता आकाश श्रेष्ठले निर्देशक रुपेश तामाङको अनटाइटल एक्सन फिल्मबाट पुनरागमन गर्ने सम्झौता माघे सक्रान्तिमा गरेका छन्।
फिल्मको कथा सुमन गजमेरले लेखेका हुन् र छायांकन फागुन अन्तिमबाट सुरु गरिने तयारी छ।
आकाशले सन् २०१६ मा 'म त तिम्रै हुँ' बाट फिल्म करिअर सुरु गरेका थिए र पछिल्लो पटक १८ अगस्ट २०२३ मा 'हिँड्दा हिँड्दै' मा देखिएका थिए।

काठमाडौं । अभिनेता आकाश श्रेष्ठ केही वर्षदेखि ठूलो पर्दामा शीर्ष भूमिकामा देखिएका छैनन् । उनले यसबीचमा केही फिल्ममा भने अतिथि भूमिकामा काम गरेका थिए ।

आकाशले थुप्रै म्यूजिक भिडियोमा काम गरेपनि फिल्मका लागि भने राम्रो कथाको प्रतीक्षा गरिरहेको बताउँदै आएका थिए । तर, अब भने फिल्ममा उनको पुनरागमन पक्का भएको छ ।

श्रेष्ठले यसअघि ‘जय शम्भु’ र ‘दान्भी’ जस्ता एक्सन फिल्म निर्देशन गरेका रुपेश तामाङको अनटाइटल प्रोजेक्टबाट फिल्ममा कमब्याक गर्ने पक्का भएको हो ।

माघे सक्रान्तिको अवसरमा बिहीबार आकाश र निर्माताबीच लिखित सम्झौता भएको छ । फिल्मलाई एक्सन जनरामा बनाउने र आकाशलाई यसअघि नदेखिएको अवतारमा देखाउने तयारी रुपेशको छ ।

आकाश पनि यो फिल्मलाई लिएर निकै उत्साहित छन् । कथा सुमन गजमेरले लेखेका हुन् । छायांकन फागुन अन्तिमबाट सुरु गर्ने तयारी छ ।

शीर्षक, अन्य कलाकार र प्राविधिकको बारेमा क्रमशः जानकारी गराइने भएको छ । जुना फिल्मस्को ब्यानरमा यो फिल्म निर्माण हुनेछ ।

आकाशको कुरा गर्दा, उनी पछिल्लो पटक १८ अगस्ट, २०२३ मा रिलिज भएको कथानक ‘हिँड्दा हिँड्दै’ मा देखिएका थिए । सन् २०१६ मा ‘म त तिम्रै हुँ’ बाट फिल्म करिअर थालेका उनले त्यसयता १० फिल्ममा काम गरे ।