२०८२ फागुन १६ गते २३:२६ 
News Summary
Generated by OK AI. Editorially reviewed.- लामियन यमालले ह्याट्रिक गरेपछि बार्सिलोनाले भिलारियलमाथि ४-१ को जित निकाल्दै स्पेनिस ला लिगामा शीर्षस्थानमा अग्रता बढाएको छ।
- बार्सिलोनाको २६ खेलमा ६४ अंक भएको छ भने रियल मड्रिडको २५ खेलमा ६० अंक छ।
- यमालले करियरकै पहिलो ह्याट्रिक गरेका छन् र ला लिगामा ह्याट्रिक गर्ने सबैभन्दा कान्छा खेलाडी बनेका छन्।
१६ फागुन, काठमाडौं । लामियन यमालले ह्याट्रिक गरेपछि स्पेनिस ला लिगा फुटबलमा शीर्षस्थानको बार्सिलोनाले अग्रता बढाएको छ ।
शनिबार राति भएको खेलमा भिलारियलमाथि ४-१ को जित निकाल्दै बार्सिलोनाले दोस्रो स्थानको रियल मड्रिडसँग अंकदूरी बढाएको हो । बार्सिलोनाको २६ खेलमा ६४ अंक भएको छ भने एक खेल कम खेलेको रियलको ६० अंक छ ।
घरेलु मैदानमा बार्सिलोनाको जितमा यमालले २८औं, ३७औं र ६९औं मिनेटमा गोल गरेका थिए । १८ वर्षीय यमालले करियरकै पहिलो ह्याट्रिक गरेका हुन् । यस्तै ला लिगामा ह्याट्रिक गर्ने शताब्दिकै सबैभन्दा कान्छा खेलाडी बनेका छन् ।
रोबर्ट लेवान्डोस्कीले खेलको इन्जुरी समयमा एक गोल गरे । भिलारियलका पापा गुएले ४९औं मिनेटमा गरेको गोल सान्त्वना मात्र बन्यो ।
पराजित भिलारियल २६ खेलबाट ५१ अंकसहित तेस्रो स्थानमा छ ।
प्रतिक्रिया 4