बालेनलाई राजेशपायलले दिए गीत उपहार : झिक्कै झिक्कै माया तम्लाई

News Summary

Generated by OK AI. Editorially reviewed.

बालेन शाहले सुदुरपश्चिममा चुनाव प्रचारका क्रममा हिउँले ढाकिएको सडकमा उभिएको फोटोसँग 'सुदुर अब दूर नाई, झिक्कै झिक्कै माया तम्लाई' क्याप्सन सेयर गर्नुभयो।
उनको क्याप्सन लाखौं रिल्स र टिकटकमा भाइरल बनेको छ र राजनीतिक विम्बका रुपमा व्यापक प्रयोग भइरहेको छ।
गायक राजेशपायल राईले बालेनको क्याप्सनबाट प्रेरित भएर गीत तयार पारेका छन् र बालेनलाई जितको शुभकामना दिएका छन्।

काठमाडौं । चुनाव प्रचारका लागि बालेन शाह सुदुरपश्चिमका विभिन्न जिल्लामा पुगेका थिए । सोही बेला उनले हिउँले ढाकिएको सडकमा उभिएको फोटो सेयर गर्दै क्याप्सन लेखेका थिए- सुदुर अब दूर नाई, झिक्कै झिक्कै माया तम्लाई ।’

उनको यो क्याप्सन निकै हिट भयो । यो क्याप्सनमाथि लाखौं रिल्स र टिकटक बने । समग्रमा भन्दा क्याप्सन निकै भाइरल बन्यो । राजनीतिक विम्वका रुपमा उनले भनेको यो प्रेमिल अभिव्यक्ति अहिले पनि उत्तिकै प्रयोग भैरहेको देखिन्छ ।

गायक राजेशपायल राईले त बालेनको उक्त क्याप्सनमाथि गीत नै तयार पारेका छन् । बालेनलाई जितको शुभकामना दिँदै गायक राईले गीतको लिंक सेयर गरेका छन् अनि बालेनको उक्त क्याप्सनको स्क्रिनसट ।

राई लेख्छन्, ‘मैले गीत नै उपहार दिएँ । बाँकी हेर्नु नहेर्नु तपाईंको अधिकार । भावी प्रधानमन्त्री बालेन शाहको स्टाटसबाट लिएको शब्द- झिक्कै झिक्कै माया तम्लाई ।’