शंकर पोखरेलको चुनाव खर्च १७ लाख ५० हजार

News Summary

Generated by OK AI. Editorially reviewed.

नेकपा एमालेका महासचिव शंकर पोखरेलले दाङ क्षेत्र नम्बर २ को चुनावी खर्च विवरण निर्वाचन आयोगमा पेश गरेका छन्।
उनले मतदाता नामावली खरिदमा ५० हजार र सवारी साधनमा ३ लाख ५० हजार खर्च भएको उल्लेख गरेका छन्।
प्रचार प्रसार सामग्रीमा १ लाख ५० हजार र कार्यालय सञ्चालनमा १ लाख ५० हजार खर्च भएको विवरणमा उल्लेख छ।

२७ फागुन, काठमाडौं । नेकपा एमालेका महासचिव एवं दाङ क्षेत्र नम्बर २ का उम्मेदवार शंकर पोखरेलले आफ्नो चुनावी खर्च सार्वजनिक गरेका छन् ।

बुधबार उनले निर्वाचन आयोगमा आफ्नो चुनावी खर्च विवरण पेश गरेका हुन् ।

उनले पेश गरेको खर्च विवरण अनुसार, मतदाता नामावली खरिद बापत ५० हजार खर्च भएको उल्लेख छ । सवारी साधनमा ३ लाख ५० हजार, सवारी इन्धन (घोडा प्रयोग गरिएकोमा दाना समेत) ३ लाख, प्रचार प्रसार सामग्री १ लाख ५० हजार, ढुवानीतर्फ १ लाख ५० हजार, गोष्ठी/अन्तरक्रिया १ लाख ५० हजार, अन्य प्रचार प्रसार, छापा एवं विद्युतीय माध्यम २ लाख, कार्यालय सञ्चालन १ लाख ५० हजार, प्रतिनिधि परिचालन १ लाख र विविध खर्च गरेर १ लाख ५० हजार उल्लेख गरिएको छ ।

प्रत्येक उम्मेदवारले आफूले चुनावमा खर्च गरेको विवरण निर्वाचन आयोगमा बुझाउनुपर्ने हुन्छ । सोही अनुसार, आयोगमा उम्मेदवारहरूले विवरण पेश गरिरहेका छन् ।