‘ड्रोन भ्यु’मा हेर्नुस् एमालेको प्रदर्शन

News Summary

Generated by OK AI. Editorially reviewed.

पार्टी अध्यक्ष केपी शर्मा ओली पक्राउ परेको विरोधमा एमाले कार्यकर्ताहरुले काठमाडौंका भृकुटीमण्डप, माइतीघर लगायत क्षेत्रमा प्रदर्शन गरेका छन्।
माइतीघर मण्डलामा प्रदर्शनकारी नयाँबानेश्वरतर्फ अघि बढ्दा प्रहरीसँग झडप भएको छ र माइतीघर–बिजुलीबजार खण्डमा तनावको स्थिति छ।
नेकपा एमालेको आकस्मिक सचिवालय बैठकले कानुनी तथा राजनीतिक रूपमा प्रतिवाद गर्ने र प्रत्येक जिल्ला सदरमुकाममा विरोध प्रदर्शन गर्ने निर्णय गरेको छ।

१४ चैत, काठमाडौं । पार्टी अध्यक्ष केपी शर्मा ओली पक्राउ परेको विरोधमा एमाले कार्यकर्ताहरुले काठमाडौंमा प्रदर्शन गरेका छन् । उनीहरुले भृकुटीमण्डप, माइतीघर लगायत क्षेत्रमा प्रदर्शन गरेका हुन् ।

माइतीघर मण्डलामा प्रदर्शनमा उत्रिएकाहरु नयाँबानेश्वरतर्फ अघि बढ्ने क्रममा प्रहरीसँग झडप भएको छ । झडपका कारण स्थिति तनावग्रस्त भएको छ । अहिले माइतीघर–बिजुलीबजार खण्डमा तनावको स्थिति छ ।

एमाले कार्यकर्ताहरुले टायर बालेर प्रदर्शन गरिरहेका छन् । सो खण्डमा सवारी साधनहरु पनि चलेका छैनन् ।

पार्टी अध्यक्ष केपी शर्मा ओली पक्राउको विरोधमा नेकपा एमालेको आज बसेको आकस्मिक सचिवालय बैठकले कानुनी तथा राजनीतिक रूपमा प्रतिवाद गर्ने निर्णय गरेको थियो ।

साथै जनसंगठनहरूको तर्फबाट प्रत्येक जिल्ला सदरमुकाममा विरोध प्रदर्शन गर्ने लगायतका निर्णय भएको थियो । सोही निर्णय लगत्तै एमाले कार्यकर्ताहरु प्रदर्शनमा उत्रिएका छन् ।

हेर्नुहोस् काठमाडौंको माइतीघर–बिजुलीबजार क्षेत्रको प्रदर्शन–