‘१२ गाउँ २’ लाई जिम धाउँदै समीर, बैशाख पहिलो सातादेखि छायांकन

Listen News

0:00

0:30

🔊

News Summary

Generated by OK AI. Editorially reviewed.

अभिनेता समीर भट्टले आफूले ‘१२ गाउँ’ को दोस्रो श्रृंखलाबाहेक अन्य फिल्ममा काम नगर्ने सामाजिक सञ्जालमार्फत खण्डन गरेका छन्।
समीर भट्टले ‘१२ गाउँ २’ को तयारीमा व्यस्त रहेको र चाँडै सुटिङमा जाने बताएका छन्।
‘१२ गाउँ २’ को छायांकन बैशाख पहिलो सातादेखि सुरु हुँदैछ र फिल्मको बजेट ४ करोड रुपैयाँ रहेको वितरक गोविन्द शाहीले बताए।

काठमाडौँ । अभिनेता समीर भट्टले आफूले ‘१२ गाउँ’ को दोस्रो श्रृंखलाबाहेकका फिल्ममा काम गर्न लागेको भन्ने चर्चाको खण्डन गरेका छन् । सामाजिक सञ्जालबाट उनले आफूबारे चलेका हल्लाको खण्डन गरेका हुन् ।

आफू अहिले ‘१२ गाउँ २’ को तयारीमा ब्यस्त रहेको बताउँदै उनले चाँडै सुटिङमा जाने बताएका छन् । ‘यो सिनेमाबाहेक मैले अन्य फिल्म साइन गरेको छैन’ उनी लेख्छन्, ‘भ्रमित समाचारहरू सम्प्रेषण नगरिदिनुहुन अनुरोध गर्दछु ।’

यो फिल्मको छायांकनको लागि समीर अहिले जिममा ब्यस्त छन् । समीरले अहिले नृत्य र जिमको अभ्यास गरिरहेको वितरक गोविन्द शाहीले बताए ।

शाहीका अनुसार बैशाख पहिलो सातादेखि ‘१२ गाउँ २’ को छायांकन सुरु हुँदैछ । गीत छायांकनसँगै फिल्मको निर्माण कार्य अघि बढ्ने जानकारी उनले दिए । फिल्मलाई विराज भट्टले निर्देशन गर्नेछन् ।

बजेट ४ करोड रुपैयाँ बताइएको छ । यसअघि नै विराजले प्रदर्शन मिति दशैंको फूलपातिमा हुने घोषणा गरिसकेका छन् ।