चुनावमा पछारिइसक्यौं, अब अहंकार त्यागेर मिलौं : सीता गुरुङ

फाइल तस्वीर

News Summary

Generated by OK AI. Editorially reviewed.

नेपाली कांग्रेसकी नेतृ सीता गुरूङले दुवै पक्षले आ-आफ्नो अहंकार त्यागेर पार्टीलाई माथि उठाउन लाग्नुपर्ने बताउनुभयो।
गुरूङले पार्टी एकताका लागि अदालतले जे निर्णय दिन्छ सोही निर्णय अनुसार अगाडि बढ्नुपर्ने बताउनुभयो।
उनले कांग्रेस पछारिनु पछारिसक्यो भन्दै अब उठ्ने कुरा गर्नुपर्नेमा जोड दिनुभयो।

१८ चैत, काठमाडौं । नेपाली कांग्रेसकी नेतृ सीता गुरूङले दुवै पक्षले आ-आफ्नो अहंकार त्यागेर पार्टीलाई माथि उठाउन लाग्नुपर्ने बताएकी छन् ।

निवर्तमान कार्यवाहक सभापति पूर्णबहादुर खड्का समूहको बुधबारको बैठकमा उनले यस्तो बताएकी हुन् ।

चुनावबाट कांग्रेस पछारिइसकेको भन्दै उनले अब उठ्ने कुरा गर्नुपर्नेमा जोड दिइन् ।

दुवै समूहले आ-आफ्नो अहंकार त्यागेर पार्टीलाई माथि उठाउनका लागि संवादहिनता तोड्नुपर्नेमा उनले जोड दिइन् ।

नेतृ गुरुङले पार्टी एकताका लागि अदालतले जे निर्णय दिन्छ सोही निर्णय अनुसार अगाडि बढ्नुपर्ने बताइन् ।

उनले भनिन्, ‘कांग्रेस पछारिनु पछारिसक्यो । कांग्रेसले सिक्नुपर्ने सबै सिकी पनि सक्यो । अब उठ्ने कुरा गरौं । उठाउनका लागि दुई समूहबीच देखिएको संवादहिनता तोडौं । आ-आफ्नो अहंकार पनि छाडौं । दुवै पक्षले त्यो त्याग गरौँ । अनि पार्टी एकताका लागि अदालतले जे निर्णय दिन्छ त्यो निर्णय अनुसार अघि बढौं ।’