संसद्को खाली कुर्सी देखाउँदै समीक्षाले भनिन्– लोकतन्त्रमा फेरि प्रहार हुने कि ?

News Summary

Generated by OK AI. Editorially reviewed.

राष्ट्रिय स्वतन्त्र पार्टीकी सांसद समीक्षा बाँस्कोटाले संसद्को खाली कुर्सीले लोकतन्त्रलाई गिज्याउन सक्ने ख्याल गर्नुपर्ने बताइन्।
उनले परिवर्तन चाहने आन्दोलनबाट अहिलेको अवस्था आएको उल्लेख गर्दै जनताको चाहना अनुसार अगाडि बढ्नुपर्ने भनिन्।
बाँस्कोटाले कर्णाली राजमार्ग र त्यहाँका नागरिकको शिक्षा तथा स्वास्थ्यमा सरकारले ख्याल गर्नुपर्ने आग्रह गरिन्।

२५ चैत, काठमाडौं । राष्ट्रिय स्वतन्त्र पार्टी (रास्वपा)की सांसद समीक्षा बाँस्कोटाले संसद्को अघिल्लो लहरको खाली ‘रो’ ले लोकतन्त्रलाई गिज्याउँछ कि भनेर ख्याल गर्नुपर्ने बताएकी छन् ।

बुधबार प्रतिनिधिसभाको बैठकमा बोल्दै उनले यस्तो बताएकी हुन् ।

‘आज अग्र भागमा रहेका खाली कुर्सीहरू देख्दा कतै फेरि यो सम्मानित संसद् भवन र लोकतन्त्र माथि प्रहार हुन लागेको हो कि जस्तो लागेको छ । कतै हामीले लोकतन्त्रलाई गिज्याउन थालेको हो कि जस्तो अनुभूति भइराखेको छ’ उनले भनिन् ।

परिवर्तन चाहने विभिन्न आन्दोलन हुँदै अहिलेको अवस्थामा आइपुगेको उल्लेख गर्दै उनले जनताको चाहना अनुसार अगाडि बढ्नुपर्ने बताइन् ।

मुलुकमा पछाडि परेका क्षेत्रलाई प्राथमिकता राखेर विकासका नीति अवलम्बन गरिनुपर्ने उनको आग्रह छ । कर्णाली राजमार्गको विषय उठाइन् । कर्णालीका नागरिकको शिक्षा र स्वास्थ्यमा सरकारले ख्याल गर्नुपर्ने बताइन् ।