इरानका पूर्वविदेशमन्त्री कमाल खराजीको मृत्यु

News Summary

Generated by OK AI. Editorially reviewed.

इरानका पूर्वविदेशमन्त्री कमाल खराजी अप्रिलको सुरूवाततिर आक्रमणमा घाइते भएर उपचारका क्रममा मृत्यु भएका छन्।
खराजीलाई सुधारवादी नेताका रूपमा लिइन्थ्यो र उनी सर्वोच्च नेता अली खामेनेईका सल्लाहकार पनि थिए।
उनको आक्रमणमा पत्नीको मृत्यु भएको र तेहरानस्थित घरलाई निशाना बनाइएको समाचार प्रकाशित भएको छ।

२७ चैत, काठमाडौं । इरानका पूर्वविदेशमन्त्री कमाल खराजीको मृत्यु भएको छ । अप्रिलको सुरूवाततिर घाइते भएका खराजीको उपचारका क्रममा मृत्यु भएको हो ।

इरानका सञ्चारमाध्यमहरूले पूर्वविदेशमन्त्री खराजी मृत्युको समाचार प्रकाशन–प्रशारण गरेको बीबीसीले जनाएको छ ।

खराजीलाई इरानको सत्ता राजनीतिमा एक सुधारवादी नेताका रूपमा लिइन्थो । उनी ‘स्ट्रेटेजिक काउन्सिल अन फरेन रिलेसन्स’ का प्रमुख र दिवंगत सर्वोच्च नेता अली खामेनेईका सल्लाहकारका रूपमा पनि चिनिन्थे ।

खराजीले सन् १९९७ से २००५ सम्म इरानको विदेशमन्त्रीका रूपमा काम गरेका थिए । इरानको सुधारवादी समर्थक जामरान न्युज वेबसाइटले १ अप्रिलमा खराजी आक्रमणमा परी गम्भीर घाइते भएका र उपचारका लागि अस्पतालमा भर्ना गरिएको समाचार प्रकाशित गरेको थियो ।

समाचामार आक्रमणमा उनकी पत्नीको मृत्यु भएको पनि उल्लेख थियो । जामरानले तेहरानमा अवस्थित खराजीको घरलाई निशाना बनाएर आक्रमण गरिएको दाबी पनि गरेको थियो ।