चलचित्र पत्रकार संघको नयाँ कार्यसमिति निर्वाचित

News Summary

Generated by OK AI. Editorially reviewed.

चलचित्र पत्रकार संघको १०औँ महाधिवेशनबाट समीर बलामी दोस्रो कार्यकालका लागि अध्यक्ष निर्वाचित भएका छन्।
उपाध्यक्ष (संगठन) मा रघुनाथ सापकोटा, उपाध्यक्ष (कार्यक्रम) मा कुमार आचार्य निर्विरोध निर्वाचित भएका छन्।
महासचिवमा गोपीकृष्ण चापागाई, सचिवमा मदन रिजाल र कोषाध्यक्षमा मनिष अन्जान चयन भएका छन्।

काठमाडौँ । चलचित्र पत्रकार संघको नयाँ कार्यसमिति चुनिएको छ । समीर बलामी दोस्रो कार्यकालको लागि निर्वाचित भएका छन् ।

शनिबार राती सम्पन्न संघको १०औँ महाधिवेशनबाट बलामी विजयी भएका हुन् । उनले निकटतम प्रतिद्वन्द्वी जीवन पराजुलीलाई पछि पार्दै संघमा विजयी भएका हुन् ।

निर्वाचनबाट उपाध्यक्ष (संगठन) मा रघुनाथ सापकोटा, उपाध्यक्ष (कार्यक्रम)मा कुमार आचार्य निर्विरोध निर्वाचित भएका छन् भने उपाध्यक्ष (महिला) तर्फ दिपज्योति थापा छानिएकी छन् ।

संघको महासचिवमा गोपीकृष्ण चापागाई, सचिवमा मदन रिजाल निर्वाचित भए । सचिव (समावेशी) तर्फ महम्मद जालिम निर्विरोध चुनिएका छन् । त्यसैगरी, कोषाध्यक्षमा मनिष अन्जान, सह-कोषाध्यक्षमा अर्जुन गुरागाईं विजय भए ।

संघको सदस्य पदमा ८ जना सदस्यहरू निर्विरोध निर्वाचित भए, जसमा सोजना विक लोहार, सुशील नेपाल, दिनेश थापा, नवीन चापागाईं, रतनबहादुर चन्द, युवर्ण पौडेल, दिपराज क्षेत्री र सालिकराम न्यौपाने छन् ।

नयाँ कार्यसमितिले आगामी तीन वर्षका लागि चलचित्र पत्रकारिताको हकहित र उत्थानका लागि काम गर्ने जनाइएको छ ।