कजारिया रमेश टायल्सले नवलपुरको दलदलेमा खोल्यो नयाँ शोरुम

News Summary

Generated by OK AI. Editorially reviewed.

कजारिया रमेश टायल्सले नवलपुरको दलदलेमा राइनो टायल एण्ड मार्बल ट्रेड लिङ्कको व्यवस्थापनमा नयाँ शोरुम सञ्चालनमा ल्याएको छ ।
मंगलबार आयोजित शोरुमको उद्घाटन कार्यक्रममा निर्देशक हिमांशु अग्रवाल र मिस नेपाल वल्र्ड २०२४ आस्मा कुमारी केसीको सहभागिता थियो ।
“नवलपुरका स्थानीयको घर निर्माण तथा पुनःनिर्माण योजनालाई साकार पार्न मद्दत पुगोस् भन्ने यो शोरुमको उद्देश्य हो” निर्देशक हिमांशु अग्रवालले भने ।

१३ जेठ, नवलपुर । कजारिया रमेश टायल्सले नवलपुरको दलदलेमा नयाँ शोरुम सञ्चालनमा ल्याएको छ । योसँगै कजारियाले गण्डकी प्रदेशमा आफ्नो बजार थप विस्तार गरेको छ ।

राइनो टायल एण्ड मार्बल ट्रेड लिङ्कद्वारा व्यवस्थापन गरिएको नयाँ शोरुमले विश्वस्तरीय र प्रतिष्ठित वाल तथा फ्लोर टायल सिधै स्थानीय उपभोक्ताहरू माझ उपलब्ध गराउनेछ।

यस शोरुमको औपचारिक उद्घाटन मंगलबार गरिएको थियो । कार्यक्रममा कजारिया रमेश टायल्सका निर्देशक हिमांशु अग्रवाल र मिस नेपाल वल्र्ड २०२४ आस्मा कुमारी केसी, कजारिया रमेश टायल्सका वरिष्ठ प्रतिनिधि र राइनो टायल एण्ड मार्बल ट्रेड लिङ्कको व्यवस्थापन टोलीको सहभागिता थियो । ग्राहकलाई आकर्षित गर्ने र सहजता दिनेगरी शोरुम व्यवस्थापन गरिएको छ ।

‘यहाँ आउने ग्राहकले कजारिया उत्कृष्ट वाल र फ्लोर टायल्सका विविध विकल्प प्रत्यक्ष रूपमा छामेर, यसका बुट्टा र फिनिसिङ अवलोकन गरी आफ्ना घर तथा परियोजनाहरूका लागि उपयुक्त डिजाइन सहजै रोज्न सक्नेछन्’ कम्पनीले विज्ञप्तिमा भनेको छ ।

राइनो टायल एण्ड मार्बल ट्रेड लिङ्कसँगको साझेदारीमा ठूला शहरमा मात्र सीमित नभई बाहिरका समुदायसम्म पुग्ने प्रयास जारी रहने कम्पनीले जनाएको छ । ‘नवलपुरका स्थानीयको घर निर्माण तथा पुनःनिर्माण योजनालाई साकार पार्न मद्दत पुगोस् भन्ने यो शोरुमको उद्देश्य हो’ कजारिया रमेश टायल्सका निर्देशक हिमांशु अग्रवालले भने ।

यो शोरुम अहिले सर्वसाधारणका लागि पूर्ण रूपमा खुला भइसकेको छ ।