जेठमै ढकमक्क असारे (फोटो/भिडियो)

News Summary

Generated by OK AI. Editorially reviewed.

इलामको माई नगरपालिका–२ शितलीस्थित चिया बगानमा ढकमक्क फुलेको जारूल फूलले यतिबेला पर्यटकलाई आकर्षित गरिरहेको छ।
समुद्री सतहबाट २५ सय मिटर उचाइसम्म फुल्ने जारूल फूल हेर्न दैनिक सयौँ आन्तरिक तथा बाह्य पर्यटक आउने गरेका छन्।
झापाको सुरुङबाट जामुनखाडी हुँदै करिब ३० किलोमिटर यात्रा तय गरेपछि उक्त चिया बगान क्षेत्रमा पुग्न सकिन्छ।

१७ जेठ, इलाम (शितली) । वरिपरि हरियाली जंगल । मुना पलाउँदै गरेका चियाका बोट । बगानका थुम्का थुम्कामा देखिन्छन्, बैजनी रङका जारूल फूल ।

इलामको दक्षिणी भू–भाग माई नगरपालिका–२ शितलीको मध्य चिया बगानमा देखिने दृश्य हो, यो ।

असारे फूलको नामबाट चिनिने यो फूलको सुन्दरताले जेठमै सयौं पर्यटक तानिरहेको छ । हिजोआज तपाईं पनि इलाम पुग्नुभयो भने ढकमक्क फूलेको जारूलले तपाईंको ध्यान खिच्छ ।

दैनिक सयौं आन्तरिक तथा बाह्य पर्यटक सो भेगमा पुग्ने गरेको स्थानीयहरू बताउँछन् । जारूल समुन्द्री सतहबाट २५ सय सम्मको उचाईमा फूल्ने गर्छ । संसारभर यसको चार दर्जन प्रजाति पाइन्छ ।

झापाको सुरुङ पुलबाट जामुनखाडी निस्कने बाटो हुँदै करिब ३० किलोमिटर दूरी पार गरेपछि इलामको यो क्षेत्रमा पुग्न सकिन्छ ।

इलाम अफैं चियाका लागि प्रख्यात छ । सोही चियाबारी अवलोकनमा पुग्ने पर्यटकले अहिले जारूल फूलसँगै रमाउँछन् ।

त्यहाँ पुगेका पर्यटकहरू यही फूललाई पृष्ठभूमि बनाएर तस्वीर र रिल्स खिचिरहेका छन् ।

थप तस्वीरहरू–