१० भदौ, काठमाडौं । गोरखाका पूर्वसांसद राजेन्द्र बजगाईंले सरकारलाई हिमताल विस्फोट तथा जलवायु परिवर्तन संकटकाल घोषणा गर्न सुझाव दिएका छन् ।
सरकारले अवस्था अझ गम्भीर भएर नियन्त्रण बाहिर पुगेपछि मात्र संकटकाल घोषणा गर्न पर्खन नहुने उनको आग्रह छ ।
‘जोखिमको पूर्वमूल्यांकन गरी भौगोलिक रूपमा जोडिएका जिल्ला तथा सम्बन्धित सम्पूर्ण नदी बेसिनलाई समेटेर पूर्वतयारीका रूपमा संकटकालीन अवस्था घोषणा गर्नुपर्छ’ उनले भनेका छन् ।
संकटकाल भनेको केवल मृत्यु र विनाश भएपछि उद्धार गर्ने अवस्था मात्र नभएर दैनिक अत्यावश्यक वस्तुको आपूर्ति, यातायात तथा पहुँच, खाद्यान्न, औषधि, इन्धन, सञ्चार र सुरक्षालगायतका सेवाहरू सहज रूपमा सञ्चालन गर्न राज्यका स्रोत र सुरक्षा संयन्त्रलाई उच्च जोखिम भएका क्षेत्रमा केन्द्रित गर्ने अवस्था भएको उनको आग्रह छ ।
नदी, भूगोल, सडक र बस्तीहरू एकअर्कासँग जोडिएका अवस्थामा विपद् व्यवस्थापनलाई एउटा जिल्लाको सीमाभित्र मात्र सीमित गर्न नमिल्ने उनको आग्रह छ ।
रसुवागढी क्षेत्रमा आज बिहान आएको ठूलो बाढीले व्यापक क्षति पुर्याएको छ ।
बाढी भोटेकोशीमा मिसिएपछि टिमुरे, रसुवागढी र स्याफ्रुबेँसी क्षेत्र प्रभावित भएका छन् । बाढीले बस्ती, बजार, प्रहरी कार्यालय, सडक तथा जलविद्युत् आयोजनाका संरचनामा क्षति पुर्याएको विवरण आएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4