News Summary
Generated by OK AI. Editorially reviewed.- क्याप्टेन रामेश्वर थापाले रसुवा टिमुरे र त्रिशूली आसपासको बाढीमा मृत्यु भएका नागरिकप्रति श्रद्धाञ्जली व्यक्त गरेका छन् ।
- उनले शोकाकुल परिवारप्रति समवेदना जनाउँदै उद्धार र राहतमा खटिने पाइलट, चालक दल, व्यवस्थापन, हेलिकप्टर सञ्चालक र निकायप्रति सम्मान व्यक्त गरेका छन् ।
- थापाले उद्धार उडानलाई उच्च सुरक्षा मापदण्ड, जोखिम मूल्यांकन, मौसम विश्लेषण र समन्वयसहित सञ्चालन गर्न आग्रह गरेका छन् ।
१० भदौ, काठमाडौं । वायुसेवा सञ्चालक संघका पूर्वअध्यक्ष क्याप्टेन रामेश्वर थापाले रसुवा टिमुरे क्षेत्र तथा त्रिशूली नदी आसपास आएको बाढीेबाट मृत्यु भएका नागरिकप्रति श्रद्धाञ्जली व्यक्त गरेका छन् ।
उनले शोकाकुल परिवारप्रति समवेदना व्यक्त गर्दै उद्धार तथा राहत कार्यमा खटिने पाइलट, चालक दल, व्यवस्थापन, हेलिकप्टर सञ्चालक र सम्बन्धित निकायप्रति सम्मान व्यक्त गरेका छन्।
नेपालमा विपद् वा संकट पर्दा हेलिकप्टर उड्डयन क्षेत्रले समुदायको सेवामा अग्रणी भूमिका खेल्दै आएको थापाले बताए ।
‘जहाँ आवश्यकता छ, त्यहाँ पुगौं, जहाँ जीवन बचाउन सकिन्छ, त्यहाँ आफ्नो अधिक क्षमता प्रयोग गरौं,’ थापाले विज्ञप्ति मार्फत अपिल गरेका छन् ।
उनले उद्धार उडानलाई व्यावसायिक विवेक, अनुभव र उच्चतम सुरक्षा मापदण्ड साथ सञ्चालन गर्न आग्रह गरे ।
उद्धार कार्य प्रभावकारी र दीर्घकालीन बनाउन उड्डयन सुरक्षाको उच्चतम मापदण्ड कायम गर्नुपर्ने उनले बताए । कठिन भूगोल र स्थितिमा हुने उद्धार उडानमा जोखिमको निरन्तर मूल्यांकन, मौसम तथा स्थल अवस्थाको सही विश्लेषण, उचित समन्वय र स्थापित उडान सुरक्षा प्रक्रिया पालना गर्नुपर्ने कुरामा जोड दिए ।
थापाले उद्धार कार्यका लागि नेपाल नागरिक उड्डयन प्राधिकरण र नेपाल आयल निगमलाई आवश्यक सहजताका लागि अनुरोध गरे । संकटको समयमा नागरिकको जीवन रक्षाका लागि आफ्नो सिप, अनुभव र स्रोतसाधन परिचालन गर्नु नेपाली उड्डयन क्षेत्रको परम्परा रहेको उनले स्मरण गराएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Cozy Homes, Imadol")
.jpg "House for Sale at Imadol")
%20-%20Copy.jpg "House for Sale at Siddhipur")
.jpg "Bungalow House for Sale at Dholahiti")
.jpg "Bungalow House for Sale at Bhandari Marg")
प्रतिक्रिया 4