आर्या फार्माल्याबद्वारा बाढी प्रभावित नागरिकका लागि औषधि सहयोग

News Summary

Generated by OK AI. Editorially reviewed.

आर्या फार्माल्याबले बाढी तथा प्राकृतिक विपद् प्रभावित नागरिकको उद्धार, राहत र उपचारका लागि ८२ लाख ५१ हजार ७५० रुपैयाँ बराबरका औषधि सरकारलाई उपलब्ध गराएको छ।
कम्पनीले प्रभावित क्षेत्रमा रहेका स्वास्थ्य चौकी र स्वास्थ्य स्वयंसेवकका लागि आवश्यक उपचारसम्बन्धी औषधि सहयोग गरेको छ।
थप सहयोग आवश्यक परे उपचारका उपकरण र औषधि पनि उपलब्ध गराउने प्रतिबद्धता कम्पनीले व्यक्त गरेको छ।

१२ भदौ, काठमाडौं । हालैको बाढी तथा प्राकृतिक विपद्का कारण प्रभावित नागरिक तथा परिवारहरूको उद्धार, राहत तथा स्वास्थ्य उपचारमा सहयोग पुर्‍याउने उद्देश्यले आर्या फार्माल्याबले नेपाल सरकारलाई आवश्यक औषधिहरू सहयोगस्वरूप उपलब्ध गराएको छ ।

आर्या फार्माल्यावले बाढी तथा विपद् प्रभावित क्षेत्रमा रहेका स्वास्थ्य चौकी तथा स्वास्थ्य स्वयंसेवकहरूका लागि आवश्यक स्वास्थ्य उपचारसम्बन्धी ८२ लाख ५१ हजार ७५० रुपैयाँ बराबरको औषधिहरु उपलब्ध गराएको छ ।

साथै, प्रभावित नागरिकहरूको स्वास्थ्य उपचारमा थप सहयोग आवश्यक रहेको खण्डमा कंम्पनीले उपचारमा आवश्यक उपकरण तथा औषधिहरू सहयोग स्वरुप उपलव्ध गराउने प्रतिबद्धता समेत व्यक्त गरेको छ ।

विपद्को समयमा प्रभावित नागरिकहरूलाई आवश्यक औषधि तथा स्वास्थ्य सेवामा सहज पहुँच सुनिश्चित गर्न गरिएको यस सहयोगले स्वास्थ्य चौकी तथा स्वास्थ्य स्वयंसेवकमार्फत प्रभावित समुदायलाई महत्त्वपूर्ण सहयोग पुग्ने कम्पनीले विश्वास लिएको छ ।