सुद्गुरुलाई तातोपानीबाट काठमाडौं ल्याइयो

News Summary

Generated by OK AI. Editorially reviewed.

कैलाश मानसरोवर यात्राबाट फर्किएका आध्यात्मिक गुरु सद्गुरुलाई आज सिम्रिक एयरको हेलिकप्टरमार्फत तातोपानी नाका हुँदै काठमाडौं ल्याइएको छ।
रसुवा बाढीका बेला सद्गुरुको इशा फाउन्डेशनको टोलीमा रहेका ८० तीर्थयात्री नेपाल-चीन सिमानाबाट सम्पर्कविहीन भएका थिए।
सम्पर्कविहीन समूहमा २० मुलुकका नागरिक थिए, जसमा ३४ पुरुष र ४६ महिला रहेका थिए।

१३ भदौ, काठमाडौं । कैलाश मानसरोवर यात्राबाट फर्किएका आध्यात्मिक गुरु जगदिश वासुदेव (सद्गुरु) लाई तातोपानी नाका हुँदै काठमाडौं ल्याइएको छ ।

त्रिभुवन अन्तर्राष्ट्रिय विमानस्थल स्रोतका अनुसार, आज सिम्रिक एयरको हेलिकप्टरमार्फत उनलाई काठमाडौं ल्याइएको हो ।

बाढीका बेला मानसरोवर क्षेत्रमा रहेका सद्गुरु प्रभावित क्षेत्रमा पुगेका थिए । उनको इशा फाउन्डेशनले सञ्चालन गर्ने कैलाश मानसरोवर यात्राको एक टोली रसुवा बाढीमा सम्पर्कविहीन भएका थिए । सो टोलीमा रहेका ८० जना तीर्थयात्री मानसरोवरबाट फर्कने क्रममा नेपाल-चीन सिमानाबाट सम्पर्कविहीन भएका थिए ।

१० भदौको बाढीपछि सार्वजनिक एक भिडियोमा सद्गुरुले सम्पर्कविहीन आफ्नो टोलीको संख्या र सदस्यबारे जानकारी गराएका थिए ।

उनका अनुसार सो समूहमा अमेरिका, क्यानडा, अष्ट्रेलिया, बेलायत, जर्मनी, फ्रान्स, नेपालसहित २० मुलुकका नागरिक थिए ।

समूहमा ३४ पुरुष र ४६ महिला थिए । सद्गुरु हरेक वर्ष नेपालको बाटो हुँदै कैलाश मानसरोवर यात्रा गर्दै आएका थिए ।