News Summary
Generated by OK AI. Editorially reviewed.- प्रधानमन्त्री दैवी प्रकोप उद्धार कोषमा रकम जम्मा गर्दा आधिकारिक क्यूआर वा खाता नम्बर मात्र प्रयोग गर्न राष्ट्र बैंकले अनुरोध गरेको छ।
- नक्कली क्यूआर कोड र बैंक खाता प्रयोग गरेर ठगी भइरहेकाले मोबाइल बैंकिङ, वालेट र कनेक्ट आईपीएसमा खाताको नाम यकिन गर्न बैंकले भनेको छ।
- सामाजिक सञ्जाल, इमेल र म्यासेजिङ एपमा आएका अनधिकृत क्यूआर स्क्यान नगर्न, ओटीपी र पिन नदिन तथा ठगी लागेमा तत्काल जानकारी गराउन राष्ट्र बैंकले आग्रह गरेको छ।
१५ भदौ, काठमाडौं । प्रधानमन्त्री दैवी प्रकोप उद्धार कोषमा रकम जम्मा गर्दा सचेत हुन केन्द्रीय बैंकले अनुरोध गरेको छ । नक्कली बैंक खाता वा क्यूआर प्रयोग गरी हुन सक्ने ठगीबाट बच्न सावधानीपूर्वक अधिकारीक स्रोतबाट आएको क्यूआर वा खाता नम्बर मात्र प्रयोग गर्न केन्द्रीय बैंकले सुझाएको छ ।
पछिल्लो समयमा कोषको नाममा नक्कली क्यूआर कोड तथा नक्कली बैंक खाता विवरण प्रयोग गरी अनधिकृत रूपमा रकम संकलन तथा ठगी भइरहेका घटना आएकाले सचेतपुर्वक कारोबार गर्न राष्ट्र बैंकले सुझाएको छ ।
त्यसका लागि मोबाइल बैंकिङ, वालेट, कनेक्ट आईपीएस वा कुनै पनि माध्यमबाट रकम ट्रान्सफर गर्दा खाताको नाम यकिन गर्न बैंकले भनेको छ ।
आफूले योगदान गर्न चाहेको रकम प्रविष्टि गर्दा ध्यान दिन र सोको पुनः यकिन गर्न केन्द्रीय बैंकले सुझाएको छ । त्यसका साथै राष्ट्र बैंकको वेबसाइट वा प्रधानमन्त्री तथा मन्त्रिपरिषद्को कार्यालय वा अर्थ मन्त्रालयको वेबसाइटमा उल्लेखित आधिकारिक बैंक खाता विवरण मात्र प्रयोग गर्दा पनि ठगीबाट बच्न सकिने केन्द्रीय बैंकले जनाएको छ ।
सामाजिक सञ्जाल, इमेल तथा म्यासेजिङ एपमा फैलिएका अनधिकृत क्यूआर कोड स्क्यान नगर्न केन्द्रीय बैंकले सुझाएको छ । ओटीपी, पिन वा पासवर्ड कसैलाई नदिन राष्ट्र बैंकले आग्रह गरेको छ ।
कोषमा पैसा ट्रान्सफर गर्दा ठगीमा परेको लागेमा तत्काल सम्बन्धित बैंक तथा वित्तीय संस्था/भुक्तानी सेवा प्रदायक संस्था, नेपाल प्रहरीको साइबर ब्युरो वा राष्ट्र बैंकको वित्तीय ग्राहक संरक्षण इकाइमा जानकारी गराउन भनिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4