३१ भदौ, महोत्तरी । महोत्तरीको औरही नगरपालिकाका नगरप्रमुख प्रदीपकुमार खड्कामाथि कार्यालयमै हातपातको प्रयास भएको छ ।
बुधबार बिहान करिब ११:३० बजे केही व्यक्तिहरू नगरपालिकाको कार्यालय परिसरमा प्रवेश गरेर हुलहुज्जत गर्दै आफूमाथि हातपातको प्रयास गरेको नगरप्रमुख खड्काले बताए ।
घटनाका क्रममा जनप्रतिनिधि तथा कर्मचारीमाथि समेत अभद्र व्यवहार र हातपात भएको उनको दाबी छ । उनले घटनापछि पत्रकार सम्मेलन गर्दै हुलहुज्जत, तोडफोड, हातपात तथा सार्वजनिक सम्पत्तिमा क्षति पुर्याउने कार्य स्वीकार्य नहुने बताए ।
घटनामा संलग्न व्यक्तिहरूको निष्पक्ष पहिचान तथा अनुसन्धान गरी प्रचलित कानुनअनुसार कारबाही गर्न र तोडफोडबाट भएको सार्वजनिक सम्पत्तिको क्षति सम्बन्धित पक्षबाट असुल तथा भरपाई गराउन नगर प्रमुख खड्काले सुरक्षा तथा प्रशासनिक निकायसँग माग गरेका छन् ।
घटनापश्चात् कार्यालयबाट प्रवाह हुने अत्यावश्यक सेवाबाहेकका सम्पूर्ण सेवा अनिश्चितकालका लागि ठप्प गरिएको छ ।
नगर प्रमुख खड्काले कर्मचारी तथा जनप्रतिनिधिको सुरक्षाको प्रत्याभूति नभएसम्म सेवाहरू ठप्प रहने उनले बताए ।
नगरपालिकाका जनप्रतिनिधि तथा कर्मचारीको पूर्ण सुरक्षा सुनिश्चित गरी निर्भय वातावरणमा सेवा प्रवाह गर्ने अवस्था बनाउनसमेत सम्बन्धित निकायसँग आग्रह गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4