News Summary
Generated by OK AI. Editorially reviewed.- भीरकोट नगरपालिका–१ बयरघारीबाट १६ वर्षीया बालिकालाई ललाईफकाई भारत पुर्याएको आरोपमा पक्राउ परेका घनश्याम चौधरी पुर्पक्षका लागि कारागार चलान भएका छन्।
- मानव बेचबिखन तथा ओसारपसारसम्बन्धी मुद्दामा घनश्याम चौधरीसहित आठ जनामाथि बालिकालाई भारतको महाराजगन्ज जिल्लास्थित बरगदवा गाउँमा लुकाइछिपाई राखेको आरोप लागेको छ।
- घटनामा संलग्न रहेको आरोप लागेका अन्य आठ जनाविरुद्ध पक्राउ पुर्जी जारी गरी प्रहरीले खोजतलास गरिरहेको छ।
३१ भदौ, स्याङ्जा । स्याङ्जाको भीरकोटबाट १६ वर्षीया बालिकालाई भारत लगेर लुकाएको आरोपमा पक्राउ परेका एक जना पुर्पक्षका लागि कारागार चलान भएका छन् । घटनामा संलग्न रहेको आरोप लागेका अन्य आठ जनाको भने प्रहरीले खोजी गरिरहेको छ ।
प्रहरीका अनुसार २०८२ असार ९ गते भीरकोट नगरपालिका–१ बयरघारीबाट बालिकालाई ललाईफकाई आर्थिक प्रलोभनमा पारी भारत पुर्याइएको थियो ।
रुपन्देहीको देवदह नगरपालिका–टटेरा घर भई बयरघारीमा काम गरी बस्ने ३५ वर्षीय घनश्याम चौधरीसहित आठ जनाले बालिकालाई भारतको महाराजगन्ज जिल्लास्थित बरगदवा गाउँमा लगेर लुकाइछिपाई राखेको आरोप छ ।
घटनाबारे मानव बेचबिखन तथा ओसारपसारसम्बन्धी मुद्दा दर्ता गरी प्रहरीले अनुसन्धान अघि बढाएको थियो ।
मुद्दाका प्रतिवादीमध्ये घनश्याम चौधरीलाई प्रहरीले २०८३ साउन १० गते पक्राउ गरेको थियो ।
अनुसन्धान पूरा गरी उनलाई स्याङ्जा जिल्ला अदालतमा पेश गरिएकोमा अदालतले भदौ ८ गते पुर्पक्षका लागि कारागार चलान गर्ने आदेश दिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीले जानकारी दिए ।
घटनामा संलग्न रहेको आरोप लागेका अन्य आठ जनाविरुद्ध पक्राउ पुर्जी जारी भएको छ । उनीहरूको खोजतलास भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4