News Summary
Generated by OK AI. Editorially reviewed.- भुवन केसी निर्देशित फिल्म ‘बाटुलो जून’ कात्तिक २६, भाइटीकाको भोलिपल्टदेखि देशव्यापी प्रदर्शनमा आउने भएको छ।
- निर्माण पक्षले बुधबार पोस्टर सार्वजनिक गर्दै दशैंमा प्रदर्शनको तयारी गरिएको फिल्मको नयाँ मिति घोषणा गरेको हो।
- निर्देशक केसीले दशैंमा अन्य फिल्मको चाप र पर्दा बाँडफाँटको समस्या देखिएकाले प्रदर्शक र वितरकको सुझावमा मिति सारिएको बताए।
काठमाडौं । भुवन केसी निर्देशित फिल्म ‘बाटुलो जून’को प्रदर्शन मिति तय भएको छ । फिल्म तिहारको भाइटीकाको भोलिपल्टदेखि देशव्यापी प्रदर्शनमा आउने भएको हो ।
निर्माण पक्षले बुधबार पोस्टर सार्वजनिक गर्दै फिल्म कात्तिक २६ (१२ नोभेम्बर) देखि प्रदर्शनमा आउने घोषणा गरेको हो । यसअघि दशैंमा प्रदर्शन गर्ने तयारी गरिए पनि उक्त समयमा प्रदर्शनमा आउने फिल्मको चाप बढेपछि नयाँ मिति तय गरिएको हो ।
नयाँ प्रदर्शन मिति घोषणा गर्दै निर्देशक केसीले भने, ‘दशैंमा अन्य फिल्म पनि प्रदर्शनमा आउने भएपछि पर्दा बाँडफाँटमा समस्या हुने देखियो । त्यसैले प्रदर्शक र वितरकको सुझावलाई मध्यनजर गर्दै नयाँ मितिमा फिल्म ल्याउने निर्णय गरेका हौं ।’
सार्वजनिक पोस्टरमा अनमोल केसी र प्रिन्सी खतिवडा प्रेमिल मुद्रामा देखिएका छन् । अनमोलको लुक्सले ५० को दशकको झल्को दिन्छ । पृष्ठभूमिमा बलिरहेको लाल्टिन र आकाशमा चम्किरहेको जूनले उनीहरूबीचको आत्मीय सम्बन्धलाई संकेत गर्छ । पोस्टरले फिल्म ग्रामीण परिवेशमा आधारित प्रेमकथा रहेको संकेत गर्छ ।
सनराइज पिक्चर्सको ब्यानरमा निर्माण भएको फिल्मका निर्माता जिया केसी र भविष्य खड्का हुन् भने विवेक थापा सहनिर्माता हुन् ।
सामिप्यराज तिमिलसेना र सरिन पोखरेलको पटकथा रहेको फिल्ममा अनमोल र प्रिन्सीसँगै भुवन केसी, न्यान्सी खड्का, प्रकाश घिमिरे, रेअर राई, दीपक केसी, श्वेता मिश्र, लक्ष्मी गिरी, शारदा गिरी, लक्ष्मीनाथ तिमिल्सिना र शिशिर शिवाकोटीलगायतको अभिनय छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4