News Summary
Generated by OK AI. Editorially reviewed.- मौसम पूर्वानुमान महाशाखाले असोज ८, ९ र १० गते देशका विभिन्न भूभागमा हावाहुरीको सम्भावना रहेको जनाएको छ।
- महाशाखाका अनुसार असोज ८ र ९ गते मधेश, कोशी, बागमती, गण्डकी र लुम्बिनीका तराई भूभागका केही स्थानमा हावाहुरीको सम्भावना छ।
- असोज १० गते ती प्रदेशका तराईसँगै गण्डकी र लुम्बिनीका पहाडी खोँचहरुमा पनि हावाहुरीको सम्भावना रहेकाले सावधानी अपनाउन अनुरोध गरिएको छ।
८ असोज, काठमाडौं । आगामी तीन दिन देशका विभिन्न भू–भागमा हावाहुरीको सम्भावना रहेको मौसम पूर्वानुमान महाशाखाले जनाएको छ ।
महाशाखाले आज दिउँसो दिएको जानकारी अनुसार असोज ८ र ९ गते मधेश, कोशी, बागमती, गण्डकी र लुम्बिनी प्रदेशका तराई भूभागका केही स्थानमा हावाहुरीको सम्भावना छ ।
असोज १० गते भने हावाहुरीको सम्भावित क्षेत्र थप विस्तार हुँदै पहाडी भेगमा पनि हावाहुरीको प्रभाव देखिने पूर्वानुमान छ ।
महाशाखाका अनुसार असोज १० गते शनिबार मधेश, कोशी, बागमती, गण्डकी र लुम्बिनी प्रदेशका तराई भूभागका केही स्थानका साथै गण्डकी र लुम्बिनी प्रदेशका पहाडी भूभागका खोँचहरुमा पनि हावाहुरीको सम्भावना छ ।
मौसममा यस्तो परिवर्तन देखिएकाले हावाहुरीको सम्भावना भएका क्षेत्रमा सावधानी अपनाउन तथा आवश्यक सतर्कता अपनाउन महाशाखाले अनुरोध गरेको छ ।
असोज ८, ९ र १० गते तीनै दिन वर्षाको पनि सम्भावना रहेकाले जोखिम क्षेत्रमा नजान, सकेसम्म लामो दुरीको यात्रा नगर्न र सरकारी निकायबाट जारी हुने आधिकारिक सूचना पछ्याउन मौसमविदहरुले सुझाव दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4