News Summary
Generated by OK AI. Editorially reviewed.- लगातार तीन दिनको वर्षापछि कालीगण्डकी नदीको बहाव बढेपछि स्याङ्जास्थित कालीगण्डकी ‘ए’ जलविद्युत् केन्द्रको उत्पादन बन्द गरिएको छ।
- बेल्टारीबाट हुने १४४ मेगावाट उत्पादन शुक्रबार राति ८:४५ बजेदेखि रोकिएको र मिर्मीस्थित बाँधका तीनवटै ढोका खोलिएको आयोजनाले जनाएको छ।
- कालीगण्डकी आसपासका बस्तीमा डुबानको जोखिम बढेको छ, र सेतीबेणीमा केही घर डुबानमा परेका छन्।
१० असोज, स्याङ्जा । तीन दिनदेखि लगातार परेको वर्षाका कारण कालीगण्डकी नदीमा पानीको बहाव बढेपछि स्याङ्जामा रहेको कालीगण्डकी ‘ए’ जलविद्युत् केन्द्रको विद्युत् उत्पादन बन्द गरिएको छ ।
नदीमा पानीको बहाव उच्च भएपछि बेल्टारीबाट हुँदै आएको १४४ मेगावाट विद्युत् उत्पादन शुक्रबार राति ८:४५ बजेदेखि रोकिएको हो । मिर्मीस्थित बाँधका तीनवटै ढोका खोलिएको आयोजनाले जनाएको छ ।
असार–साउनमा भन्दा असोजमा कालीगण्डकी नदीमा पानीको बहाव अस्वाभाविक रूपमा बढेपछि बाँधको अवस्था र आसपासका बस्तीमा हुन सक्ने डुबानको जोखिमलाई ध्यानमा राख्दै उत्पादन बन्द गरिएको कालीगण्डकी ‘ए’ जलविद्युत् केन्द्रका प्रमुख आत्मेस पौडेलले बताए ।
उनका अनुसार नदीमा पानीको बहाव घटेपछि आयोजनाबाट पुन: नियमित रूपमा विद्युत् उत्पादन सुरु गरिनेछ ।
लगातारको वर्षासँगै कालीगण्डकी आसपासका बस्ती तथा संरचनामा जोखिम बढेको छ । वर्षाका कारण जनजीवनसमेत प्रभावित भएको छ ।
स्याङ्जा, पर्वत र गुल्मी तीन जिल्लाको संगमस्थल सेतीबेणीमा समेत कालीगण्डकी नदीको पानी बढेपछि केही घर डुबानमा परेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4