१८ असोज, काठमाडौं । त्रिभुवन अन्तर्राष्ट्रिय विमानस्थल आसपास चङ्गा, ड्रोन र बेलुनले उडान सुरक्षामा गम्भीर असर पार्ने भन्दै नेपाल नागरिक उड्डयन प्राधिकरण विमानस्थल कार्यालयले सचेत गराएको छ ।
कानुनले निषेध गरेका यी गतिविधिले हवाई उडान सञ्चालन क्रममा गम्भीर सुरक्षा चुनौती उत्पन्न हुने कार्यालयले जनाएको छ । आइतबार विज्ञप्ति जारी गर्दै कार्यालयले दसैं सुरु भएसँगै चङ्गा उडाउने गतिविधि बढेको जानकारी गराएको छ ।
विमानस्थलको उडान तथा अवतरण क्षेत्रमा चङ्गा, डोरी, धागो, बेलुन र ड्रोन प्रवेश गर्दा वायुयानको सुरक्षित उडान तथा अवतरणमा अवरोध सिर्जना हुन्छ ।
यस्ता गतिविधि गर्न नहुने गरी कानुनी प्रावधान समेत छ । यस्ता गतिविधि नगर्न सर्वसाधारणलाई पटक–पटक सूचित गराउने कामसमेत हुँदै आएको छ ।
तर, गतिविधि निरन्तर रहेको भन्दै कार्यालयले चिन्ता व्यक्त गरेको छ । कार्यालयले भनेको छ, ‘उडान सुरक्षा केवल विमानस्थल तथा सम्बन्धित निकायको मात्र जिम्मेवारी नभई सम्पूर्ण नागरिकको साझा जिम्मेवारी हो, विमानस्थलको सुरक्षित हवाई सञ्चालन तथा यात्रुको सुरक्षाका लागि सबैको सहयोग, सहकार्य र जिम्मेवार व्यवहारको अपेक्षा गर्दछौं ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4