यमनको सरकारले हुथी विद्रोहीविरुद्ध सञ्चालन गरिएको स्थलगत सैन्य अभियानले प्रगति हासिल गरिरहेको दाबी गरेको छ । सुरक्षा तयारी बढाउने विषयमा अधिकारीहरूबीच छलफल भइरहेका बेला सरकारले यस्तो जानकारी दिएको हो ।
सरकारी समाचार संस्था साबाका अनुसार प्रधानमन्त्री शाय अल–जिन्दानीले मंगलबार एडेनमा मन्त्रीहरूसँग भेट गरी सैन्य अभियानबारे छलफल गरेका थिए । उनले सुरक्षा तयारी बढाउन, महत्वपूर्ण संरचनाको सुरक्षा गर्न तथा सरकारको नियन्त्रणमा फर्किने क्षेत्रका लागि आवश्यक तयारी पूरा गर्न निर्देशन दिएका छन् ।
उनले अभियानका उद्देश्यबारे जानकारी गराउन र अन्तर्राष्ट्रिय समर्थन जुटाउन कूटनीतिक प्रयासलाई थप तीव्र बनाउन पनि आग्रह गरेका छन् ।
लाल सागर र बाब अल–मन्देब समुद्री मार्गमा हुने समुद्री यातायातको सुरक्षाका लागि समेत अन्तर्राष्ट्रिय सहयोग जुटाउनुपर्ने उनको भनाइ थियो ।
साबाको समाचार अनुसार राष्ट्रपतीय नेतृत्व परिषद्का प्रमुख राशाद अल–अलिमीले रक्षामन्त्री तथा सेना प्रमुखबाट युद्धको पछिल्लो अवस्थाबारे जानकारी लिएका थिए । उनले सरकारी सेना र जनप्रतिरोधी लडाकुहरूले हासिल गरेको ‘स्थलगत प्रगति’को प्रशंसा गर्दै हुथी नियन्त्रणमा रहेका क्षेत्रका बासिन्दालाई हुथीको भर्ती अभियानमा सहभागी नहुन आग्रह गरेका थिए । साथै, हुथी लडाकुलाई हतियार त्याग्न पनि उनले आह्वान गरेका थिए ।
रक्षामन्त्री ताहेर अल–अकिलीले पनि सेनाको प्रगतिको प्रशंसा गर्दै स्वीकृत योजनाहरूको कार्यान्वयन निरन्तर अघि बढाउन निर्देशन दिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4