News Summary
Generated by OK AI. Editorially reviewed.- साउदी अरबका लागि प्रस्तावित आवासीय राजदूत गिरी बहादुर सुनारले संसदीय सुनुवाइ समितिमा महिला हिंसा गरेको आरोप अस्वीकार गरेका छन् ।
- सांसद मधुकुमार चौलागाईंले सुनुवाइमा सुनारविरुद्ध घरेलु हिंसा, रकम असुली र बढुवामा पैसा लिएर मिलाएको उजुरीबारे प्रश्न गरेका थिए ।
- सुनारले पीडित भनिएका महिलासँग प्रेम सम्बन्ध र भनाभन भएको स्वीकार गर्दै त्यो विषय २०१३ मै सकिएको बताए ।
२८ असोज, काठमाडौं । साउदी अरबका लागि प्रस्तावित आवासीय राजदूत गिरी बहादुर सुनारले महिला हिंसा गरेको आरोप अस्वीकार गरेका छन् ।
संसदीय सुनुवाइ समितिमा उनले आफू महिला हिंसाविरुद्ध जनचेतना फैलाउने व्यक्ति भएको बताए ।
सुनुवाइका क्रममा साम्सद मधुकुमार चौलागाईंले ‘धेरै उजुरीहरू रहेको, महिलासँगको घरेलु हिंसाको आरोप रहेको र मेलमिलाप गरेको विषय’ रहेको बताए ।
‘अभियन्ताको रुपमा करोडौं असुल गर्नुभयो, डीआइजी बढुवामा पैसा लिएर मिलाउन लाग्नुभयो, सांसद बनाउँछु भनेर पनि पैसा लिनुभयो,’ भनेर उजुरी आएको उनले स्मरण गरे ।
साथै, ‘हाम्रो नेपाल पार्टीसँगको आबद्धता के थियो ? जर्मनीबाट डिपोर्ट भएको के हो ?,’ भनेर उनलाई प्रश्न थियो ।
जवाफमा प्रस्तावित राजदुत सुनारले महिला हिंसा गरेको आरोप अस्वीकार गरे ।
‘महिला हिंसा गरे भन्ने जे छ, म आफै हिंसाविरुद्ध जनचेतना फैलाउने व्यक्ति हुँ,’ उनले भनेका छन् ।
जसले पीडित भनेर भनेका छन् ती महिलासँग प्रेम सम्बन्ध रहेको र भनाभन भएकोबारे भने उनले स्वीकार गरे । यो विषय सन् २०१३ मै सकिइसकेको तर अहिले पुन: उठाइएको उनको गुनासो थियो ।
आफूले महिला हिंसाविरुद्ध र सेल्फ इम्पावरका लागि ५ हजार बढीलाई तालिम दिएको पनि उनको भनाइ छ ।
जर्मनीबाट डिपोर्ट गरिएको आरोप पनि उनले स्वीकार गरेनन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4