News Summary
Generated by OK AI. Editorially reviewed.- पाँचथरको पौवाभञ्ज्याङबाट कञ्चनजङ्घा, कुम्भकर्ण र मकालु हिमशृङ्खला टल्किएको देखिएको छ।
- मौसम खुलेसँगै मेची राजमार्ग हुँदै यात्रा गर्नेले बाटैबाट हिमाल, सूर्योदय र सूर्यास्तको दृश्यावलोकन गर्न पाएका छन्।
- फाल्गुनन्द पदमार्ग निर्माण भइरहेकाले पौवाभञ्ज्याङ, साधुटार, सुकेपोखरी, लोहाकिल, पाटेनागी, सिलौटी र लब्रेकुटी पर्यटकीय गन्तव्य बनेका छन्।
१ कात्तिक, काठमाडौं । विश्वकै तेस्रो अग्लो हिमाल कञ्चनजङ्घा, कुम्भकर्ण (फक्तालुङ) लगायतका हिमशृङ्खला लस्करै टल्किएका छन् । पाँचथरको पौवाभञ्ज्याङबाट देखिने यी हिमालको दृश्य मनमोहक देखिन्छ ।
मेची राजमार्ग भएर यात्रा गर्नेहरूले समेत बाटैबाट हिमालको सुन्दर दृश्य नियाल्न पाउँछन् ।
पौवाभञ्ज्याङबाट एकातिर कञ्चनजङ्घा हिमशृङ्खला देखिन्छ भने अर्कातिर मकालु हिमालको दृश्यले मन लोभ्याउँछ ।
घरघरका आँगनमा रङ्गीबिरङ्गी फूल फुलेका छन् । वरपरका डाँडाकाँडा पनि उत्तिकै सुन्दर देखिएका छन् ।
‘यो क्षेत्र घुम्नका लागि अहिले उपयुक्त समय हो,’ पौवाभञ्ज्याङका दावा शेर्पाले भने ।
उनका अनुसार यहाँबाट सूर्योदय, सूर्यास्त, हिमाल र आसपासका डाँडाकाँडाको दृश्यावलोकन गर्न सकिन्छ ।
नजिकै रहेको साधुटारको पोखरीमा समेत हिमालको प्रतिबिम्ब टल्किएको देखिन्छ ।
पौवाभञ्ज्याङ, साधुटार, सुकेपोखरी, लोहाकिल, पाटेनागी, सिलौटी र लब्रेकुटीलगायतका स्थान यहाँका आकर्षक गन्तव्य हुन् ।
यस क्षेत्रको पर्यटन प्रवर्द्धनका लागि फाल्गुनन्द पदमार्गसमेत निर्माण भइरहेको छ ।
हिमाली दृश्यावलोकन, स्थानीय खानपान र पदयात्रा यहाँका मुख्य आकर्षण हुन् ।
धार्मिक तथा सांस्कृतिक महत्त्व बोकेका सिलौटी र लब्रेकुटीले पनि यस क्षेत्रको पर्यटकीय आकर्षण बढाएका छन् ।
दशैंको बिदामा प्रकृतिसँग रमाउन चाहनेका लागि पाँचथरका यी गन्तव्य उपयुक्त विकल्प हुन सक्छन् ।
खुलेको आकाश, टल्किएका हिमाल, पोखरीमा देखिने प्रतिबिम्ब र रङ्गीबिरङ्गी फूलले पौवाभञ्ज्याङ क्षेत्रलाई यतिबेला अझ मनमोहक बनाएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4