News Summary
Generated by OK AI. Editorially reviewed.- रोल्पाको सुनिलस्मृति गाउँपालिका–३ का १७ वर्षीय सुनिल विष्टले एक सातामा बनाएको रिमोट कन्ट्रोल नमूना जहाज उडाएका छन् ।
- कक्षा ११ मा अध्ययनरत विष्टले ‘रोल्पा एयर, मेड इन नेपाल’ नामको जहाज बनाउन करिब एक लाख रुपैयाँ खर्च लागेको बताए ।
- विष्टले आवश्यक स्रोतसाधन र आर्थिक सहयोग पाए भविष्यमा फाइटर जेटदेखि रकेटसम्म बनाउन सक्ने आत्मविश्वास व्यक्त गरे ।
१३ कात्तिक, रोल्पा । रोल्पाका १७ वर्षीय एक युवकले नमूना जहाज बनाएर उडाएका छन् । सुनिलस्मृति गाउँपालिका–३, मिझिङका सुनिल विष्टले आफैँले निर्माण गरेको रिमोट कन्ट्रोल (आरसी) जहाज उडाएका हुन् ।
एक साताको मिहिनेतमा तयार पारेको नमूना जहाजको नाम उनले ‘रोल्पा एयर, मेड इन नेपाल’ राखेका छन् ।
विज्ञान विषयका विद्यार्थी विष्टले उक्त नमूना जहाज निर्माण गर्न करिब एक लाख रुपैयाँ खर्च लागेको बताएका छन् । कक्षा ११ मा अध्ययनरत विष्टले भने, ‘यो एक किलोमिटरसम्म उड्न सक्ने क्षमताको छ ।’
कक्षा ११ मा अध्ययनरत विष्टले रिसिभर, ट्रान्समिटर र मोटरलगायत स्थानीय स्तरमा उपलब्ध सीमित स्रोतसाधन प्रयोग गरी नमूना जहाज तयार पारेका हुन् ।
‘आवश्यक स्रोतसाधन, आर्थिक सहयोग र अवसर पाए भविष्यमा लडाकु विमान (फाइटर जेट) देखि रकेटसम्म बनाउन सक्ने आत्मविश्वास छ,’ उनले भने, ‘असम्भव भन्ने केही छैन । राज्यले साथ र सहयोग गरेमा सम्भव छ ।’
छोराको सिर्जनात्मक कामप्रति उनका बुबा मेघनाथ विष्ट पनि खुसी छन् । छोराको प्रतिभालाई सहयोग गर्न आफू तयार रहेको बताउँदै उनले अन्यले पनि सहयोग गर्ने विश्वास व्यक्त गरेका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4