News Summary
Generated by OK AI. Editorially reviewed.- ज्यान मार्ने उद्योग मुद्दामा कैद भुक्तान गरिरहेका २८ वर्षीय भोला राईको उपचारका क्रममा विराटनगरस्थित नोबेल अस्पतालमा आइतबार बिहान ३ बजे मृत्यु भएको छ।
- चिचिला गाउँपालिका–१ का राईलाई मुटुसम्बन्धी समस्या देखिएपछि शनिबार बिहान जिल्ला अस्पताल संखुवासभामा भर्ना गरी पछि विराटनगर पठाइएको थियो।
- जिल्ला अदालत चैनपुरले राईलाई २०८३ वैशाख ४ गते कारागार चलान गरेको थियो, र हाल कारागारमा १५१ कैदीबन्दी छन्।
१५ कात्तिक, संखुवासभा। सङ्खुवासभा जिल्ला कारागार खादबारीमा कैद भुक्तान गरिरहेका एक जना कैदीबन्दीको उपचारका क्रममा मृत्यु भएको छ । जिल्ला कारागारमा खादबारीमा कैद भुक्तान गरिएका २८ वर्षीय भोला राईको उपचारका क्रममा मृत्यु भएको जिल्ला कारागार सङ्खुवासभाका प्रमुख जेलर धनबहादुर श्रेष्ठले जानकारी दिए।
चिचिला गाउँपालिका–१ घर भएका राईको विराटनगरस्थित नोबेल अस्पतालमा उपचारका क्रममा आइतबार बिहान ३ मृत्यु भएको जेलर श्रेष्ठको भनाइ छ।
ज्यान मार्ने उद्योग मुद्दामा कैद भुक्तान गरिरहेका राईलाई मुटुसम्बन्धी समस्या देखिएपछि शनिबार बिहान ७ बजे जिल्ला अस्पताल सङ्खुवासभामा भर्ना गरिएको थियो। जिल्ला अस्पतालमा उपचार हुन नसकेपछि थप उपचारका शनिबार दिउँसो ३ बजे विराटनगर पठाइएको थियो।
कैद भुक्तान गरिरहेका राईलाई श्रीमती र कारागारबाट प्रहरी नायब निरीक्षक तुलसीराम राई सहितको प्रहरी टोलीले थप उपचारका लागि सुरुमा विराटनगरस्थित कोशी अस्पताल लगेको थियो।
कोशी अस्पतालमा उपचारपछि थप उपचारका लागि नोबेल अस्पताल लगिएको राईलाई चिकित्सकले आइतबार बिहान मृत घोषणा गरेका हुन्।
राईलाई जिल्ला अदालत चैनपुरले २०८३ वैशाख ४ गते कारागार चलान गरिएको थियो। जिल्ला कारागारमा १० जना कैदी बन्दी नियमित औषधि सेवन गर्दै आएका छन् । जिल्ला कारागारमा ७ महिलासहित 1५१ जना कैदी बन्दी रहेका छन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4