ट्रम्प र रिपब्लिकनहरूका लागि ठूलो धक्काको सङ्केत

१७ कात्तिक, काठमाडौं ।  नोभेम्बर ३ को अमेरिकी मध्यावधि निर्वाचनको मुखमा बाहिर आएका लगभग सबैजसो प्रमुख सर्वेक्षण, चुनावी पूर्वानुमान र बेटिङ मार्केटहरूले डेमोक्र्याटिक पार्टीको एकपक्षीय जित (ब्लू वेभ) हुने सङ्केत गरेका छन्।

अमेरिकी तल्लो सदन प्रतिनिधि सभा र माथिल्लो सदन सिनेट दुवैमा डेमोक्रेट्सहरूले नियन्त्रण कायम गर्ने प्रक्षेपणले राष्ट्रपति डोनाल्ड ट्रम्पको ह्वाइट हाउस र रिपब्लिकन क्याम्पमा ठूलो हलचल ल्याइदिएको छ।

प्रमुख ५ तथ्याङ्क जसले ‘ब्लु सुनामी’ को सङ्केत गर्छन्

९५ र ८० प्रतिशतको सम्भावना : चर्चित चुनावी विश्लेषक नेटे सिल्भरको पछिल्लो मोडल अनुसार डेमोक्रेट्सले प्रतिनिधि सभा जित्ने सम्भावना ९५ प्रतिशत र सिनेट कब्जा गर्ने सम्भावना ८० प्रतिशत  पुगेको छ। सिल्भरका अनुसार डेमोक्रेट्सहरूले प्रतिनिधि सभामा औसत २५ सिट थप्नेछन्।

७ वटै ब्याटलग्राउन्डमा अग्रता: ‘द न्युयोर्क टाइम्स/सिएना’ को अन्तिम पोलमा मुख्य ७ वटै प्रतिस्पर्धात्मक राज्यहरूमा डेमोक्र्याटहरू अगाडि देखिएका छन्।

सन् २०२४ मा ट्रम्पले जितेका ६ वटा राज्यहरू (जस्तै टेक्ससमा ७ अङ्कको अग्रता र मिसिगनमा ११ अङ्कको अग्रता) मा पनि डेमोक्र्याट उम्मेदवारहरूले अग्रता कायम गरेका छन्।

२४० सिटसम्म जित्ने प्रक्षेपण: ‘कुक पोलिटिकल रिपोर्ट’ को उपल्लो सीमा अनुसार डेमोक्रेट्सले २४० सिटसम्म जित्न सक्छन्, जुन बाराक ओबामाको पहिलो कार्यकालपछिको सबैभन्दा ठूलो बहुमत हुनेछ।

७३ प्रतिशत बेटिङ मार्केट सम्भावना: ‘काल्सी’ जस्ता प्रेडिक्सन मार्केटहरूमा डेमोक्रेट्सले दुवै सदन जित्ने सम्भावना ७० प्रतिशत (पुगेको छ।

+१४ अङ्कको जेनेरिक बाटो: सन् २०२४ को नतिजाको सही प्रक्षेपण गरेर चर्चामा आएको ‘एटलासइन्टेल’ को अन्तिम सर्वेक्षण अनुसार राष्ट्रिय जेनेरिक कङ्ग्रेशनल ब्यालेटमा डेमोक्रेट्सहरू १४ अङ्कले अगाडि छन्।

सर्वेक्षणकर्ताहरूको डर र पोलिङ त्रुटिको जोखिम

डेमोक्र्याटिक सुनामीको प्रक्षेपण भइरहे पनि चुनावी विश्लेषकहरू भने सन् २०२० र २०२४ मा ट्रम्प समर्थक मतदाताहरू पोल सर्भेमा छुट्न पुगेका (पोलिंग इरर) विगतका घटनाहरूप्रति सतर्क छन् ।

न्युयोर्क टाइम्सका पोलिङ प्रमुख नेटे कोहनका अनुसार, अन्तिम सर्भेहरूमा उत्तर दिने श्वेत डेमोक्रेट्सहरूको सङ्ख्या श्वेत रिपब्लिकनहरूभन्दा ३० प्रतिशत बढी छ, जुन सन् २०२० को भन्दा थप फराकिलो अन्तर हो।

वासिङ्टन पोस्टको पोलमा क्यान्सास जस्तो रिपब्लिकन पकड क्षेत्रमा डेमोक्र्याट उम्मेदवार ९ अङ्कले अगाडि देखिए पनि त्यहाँ दर्ता भएका डेमोक्रेट्सहरूले रिपब्लिकनको तुलनामा दोब्बर बढी सङ्ख्यामा सर्भेमा भाग लिएका थिए।

ट्रम्प र सभामुखको आरोप: ‘यो मनोवैज्ञानिक प्रहार हो’

यी खराब तथ्याङ्कहरू बाहिरिएपछि राष्ट्रपति ट्रम्प र प्रतिनिधि सभाका सभामुख माइक जोन्सनले पोलिङ एजेन्सीहरूमाथि जानाजानी ‘ब्लु वेभ’ को हावा सिर्जना गरेर रिपब्लिकन मतदाताहरूलाई निराश पार्न खोजेको आरोप लगाएका छन्।

सभामुख जोन्सनले सोमबार भने,’उनीहरू पोलको तथ्याङ्क प्रयोग गरेर ब्लू वेभको भ्रम सिर्जना गर्ने प्रयास गर्दैछन्। हाम्रा कन्जर्भेटिभ मतदाताहरू यस्ता पोल कलहरूलाई विश्वास गर्दैनन् किनभने यो एक प्रकारको ‘साइ-अप’  (मनोवैज्ञानिक कारबाही) हो।’

काल्सी जस्ता बेटिङ मार्केटहरूमा अर्बौँ डलरको कारोबार भइरहे पनि, गत अगस्टमा विस्कॉन्सिनको प्राइमरीमा र हालै ब्राजिलको चुनावमा बेटिङ मार्केटका प्रक्षेपणहरू गलत साबित भइसकेका हुनाले अन्तिम निर्णय भने ब्यालेट बक्समा खस्ने मतले नै तय गर्नेछ।