१७ कात्तिक, काठमाडौं । चिकित्सा शिक्षा आयोगले लिएको अप्टोमेट्रिस्टको (दृष्टि विशेषज्ञ) प्रवेश परीक्षामा प्रश्नपत्र अपुग भएपछि परीक्षा रोकिएको छ । प्रश्न पत्र नै अपुग भएपछि केही समय परीक्षार्थीलाई केन्द्रबाट बाहिर निकालिएको थियो ।
आयोगका अनुसार अहिले थप प्रश्नपत्र बनाएर परीक्षा सुरू गरिएको छ । आयोगका सदस्य सचिव हरि निरौलाले प्राविधिक त्रुटिका कारण परीक्षा केही समयका लागि रोकिएको बताए ।
अप्टोमेट्रिस्टका ६ वटा परीक्षा केन्द्र तोकिएको थियो ।
निरौलाका अनुसार परीक्षा सञ्चालन भइरहेका बेला प्रश्नपत्र अपुग भएको जानकारी आएपछि आयोगले सम्बन्धित केन्द्रमा परीक्षा केही समयका लागि रोक्न लगाएको थियो । त्यसपछि तत्कालै प्राविधिक टोली परिचालन गरेर आवश्यक प्रश्नपत्रको व्यवस्था मिलाइएको र परीक्षा पुनः सुरु गरिएको उनको भनाइ छ ।
‘काम गर्ने क्रममा कहिलेकाहीँ यस्ता प्राविधिक त्रुटि हुन सक्छन्। प्रश्नपत्र अलिकति नपुग भएपछि केही समय परीक्षा होल्ड गरेका थियौँ। त्यसपछि प्रश्नपत्र पठाएर पुनः सञ्चालन गरेका छौँ,’ निरौलाले भने ।
निरौलाले अप्टोमेट्रिस्टको विषयको परीक्षामा करिब १५ सय परीक्षार्थी सहभागी भएको बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4