News Summary
Generated by OK AI. Editorially reviewed.- चलचित्र ‘पाँच पाण्डव’ को दोस्रो ट्रेलर मंगलबार काठमाडौंमा सार्वजनिक गरिएको छ ।
- ट्रेलरमा हरिवंश आचार्यले युधिष्टिरको भूमिकामा आफ्ना भाइहरूलाई समस्याबाट छुटकारा दिलाउने प्रयास गरेको देखाइएको छ ।
काठमाडौं । चलचित्र ‘पाँच पाण्डव’ को ट्रेलर–२ सार्वजनिक भएको छ । निर्माण टिमले मंगलबार काठमाडौंमा एक कार्यक्रम गर्दै सिनेमाको दोस्रो ट्रेलर सार्वजनिक गरेको हो ।
ट्रेलरमा सिनेमाका मुख्य पात्रले आफ्नो भूमिका प्रस्ट पार्ने प्रयास गरेको देखिन्छ । ट्रेलरको केन्द्रमा हरिवंश आचार्य छन् । पृथ्वीमा रहेका आफ्ना भाइहरू दु:खी रहेको भन्दै पृथ्वीलोकमा आइपुगेका युधिष्टिर भाइहरूलाई समस्याबाट छुट्कारा दिलाउने प्रयासमा लाग्छन् ।
हरिवंश भीम, अर्जुन, नकुल, सहदेव भन्दै नामाकरण गर्दै आफ्नो चार भाइ बनाइरहेका छन् । अनि जोजो समस्यामा छन्, उनीहरूलाई सहयोग गर्दै हिँडिरहेका छन्।
क्यासिनोमा छोटा कपडा लगाएकी युवती देखेर उनी आङ ढाकिदिन्छन् । सभ्य समाज निर्माण हुनुपर्छ भन्ने उनको उद्देश्य देखिन्छ । अन्याय, हिंसा र अत्याचारविरुद्ध पाँच भाइ मिलेर गरेको संघर्ष र विद्रोह ट्रेलरमा देखाइएको छ ।
यही कात्तिक २० गतेबाट प्रदर्शन हुने फिल्मलाई बसन्त निरौलाले निर्देशन गरेका छन् । ‘पाँच पाण्डव’ मा हरिवंश आचार्य, महेश त्रिपाठी, जितु नेपाल, विनोद न्यौपाने, आर्यन सिक्देल, सुशील सिटौला, इभा गिरी, दीपाश्री निरौलालगायत कलाकार मुख्य भूमिकामा छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4