१८ कात्तिक, काठमाडौं । प्रमुख प्रतिपक्षी दल नेपाली कांग्रेसले ठूलो आशा र विश्वासका साथ मतदाताले दिएको मतलाई सरकारले सही ढंगले प्रयोग नगरेको आरोप लगाएको छ ।
वरिष्ठ उपसभापति विश्वप्रकाश शर्माले बुधबार सानेपामा आयोजित पत्रकार सम्मेलनमा सरकारले मतदाताका मतलाई सही ढंगले प्रयोग नगरेको आरोप लगाएका हुन् ।
‘यो देशका मतदाताले त्यत्रो ठूलो आशा र विश्वास गरेर दिएको मतलाई सही ढंगले अहिलेको सरकारले प्रयोग गरिरहेको छैन,’ उनले भने ।
वरिष्ठ उपसभापति शर्माले कांग्रेस मतदाताको मतको सम्मन गर्दै सरकारले ५ वर्ष निर्वाध ढंगले काम गर्न पाउनुपर्ने पक्षमा रहेको बताए ।
‘हामी मतदाताले दिएको प्रत्येक मतलाई सम्मान गर्छौं र यो सरकारले पूरा ५ वर्ष निर्वाध ढंगले काम गर्न पाउनुपर्छ भन्ने पक्षमा छौं,’ उनले भने ।
कांग्रेस पूरै ५ वर्ष सत्तातिर नजर लगाउनुहुन्न भन्ने कुरामा स्पष्ट रहेको पनि सरकारको प्राथमिकता अरु नै रहेको टिप्पणी गरे ।
‘हामीले पूरै ५ वर्ष सत्तातिर नजर लगाउनुहुन्न भन्ने कुरामा स्पष्ट छौं । तर, सरकारको प्राथमिकता कहाँ छ ?,’ प्रश्न गर्दै उनले भने, ‘सरकार र पार्टीबीचको तथ्य के हो, म त्यसमा जान चाहन्न ।’
शर्माले नेपाल प्रहरीका महानिरीक्षक दानबहादुर कार्की हटाइएको विषयमा आएको सरकारका प्रवक्ता र रास्वपाका प्रवक्ताको फरक फरक अभिव्यक्तिप्रति आपत्ति जनाए ।
‘सरकारको प्रवक्ता के भन्नुहुन्छ– पार्टीको निर्देशनमा हटाइयो । एक घण्टा नभइकन पार्टीको प्रवक्ता प्रवक्ता के भन्नुहुन्छ– हाम्रो निर्देशन गएको छैन,’ उनले भने, ‘लेख्नुस् सिंहदरबारमा रमिता चलिरहेको छ । लेख्नुस् बालुवाटारमा रमिता चलिरहेको छ ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4